2025-ci ilin yanvar-oktyabr aylarında Azərbaycan 478 min ABŞ dolları dəyərində 85,3 ton təbii bal idxal edib.
"Report"un Dövlət Statistika Komitəsinin məlumatları əsasında apardığı hesablamalarına əsasən, bu, 2024-cü ilin eyni dövrünün göstəricisindən dəyər ifadəsində 26 %, kəmiyyət olaraq – 25 % azdır.
Hesabat dövründə Azərbaycan Türkiyədən 128,1 min ABŞ dolları dəyərində (bir il əvvəlki göstəricidən 49 % az) 22,55 ton (-41 %), Ukraynadan 100,8 min ABŞ dolları dəyərində 20,2 ton, Rusiyadan 79 min ABŞ dolları dəyərində (-74 %) 16 ton (-74 %), Belarusdan 54,5 min ABŞ dolları dəyərində 8,7 ton (1 il əvvəl tədarük olmayıb), Gürcüstandan 44 min ABŞ dolları dəyərində (+13 %) 8,8 ton (+17 %) məhsul alıb.
Azərbaycan 5 il 9 aylıq fasilənin ardından Böyük Britaniyadan (0,1 min ABŞ dolları dəyərində 0,02 ton), 5 il 6 ayın tamamında Macarıstandan (0,1 min ABŞ dolları dəyərində 0,01 ton) və 2 il 3 aydan sonra Meksikadan (0,5 min ABŞ dolları dəyərində 0,07 ton) tədarükü bərpa edib.
2024-cü ildə Azərbaycana 11 ölkədən idxal edilmiş 139 ton təbii balın 49 %-i Rusiyanın, 33 %-i Türkiyənin, 12 %-i Gürcüstanın payına düşüb.
Bu gün Azərbaycan Hərbi Hava Qüvvələrinin (HHQ) yaranması günüdür.
Dünya bazarlarında "Azeri Light" (CIF) markalı Azərbaycan neftinin qiyməti azalıb.
Birinci Qarabağ müharibəsinin mülki şəhidi Bahadur Məhəmməd oğlu Kamalovun nəşi tapılıb.
