Rusiya Silahlı Qüvvələrinin Ukraynanın enerji infrastrukturuna hücumları Kiyevdə 500 mindən çox istehlakçını işıqsız qoyub.
"Report"un məlumatına görə, bunu Ukraynanın energetika naziri Nikolay Kolesnik bildirib.
"Səhər saatlarına olan vəziyyətə görə, Kiyev və adıçəkilən vilayətdə 500 mindən çox istehlakçı elektriksiz qalıb", - o qeyd edib.
Öz növbəsində, Kiyevin meri Vitali Kliçko bildirib ki, Ukrayna paytaxtında evlərin yarısı istilik təchizatından məhrum olub.
"Evlərin yarısı (təxminən 6 000) paytaxtın kritik infrastrukturuna kütləvi hücum nəticəsində hazırda istilik təchizatından məhrum olub. Eyni zamanda, şəhərdə su təchizatında fasilələr müşahidə olunur", - mer qeyd edib.
Onun sözlərinə görə, hazırda evlərdə elektrik və istilik təchizatının bərpası üzərində çalışırlar.
Avstraliya hökuməti dekabrın 14-də Sidney çimərliyində törədilmiş terror aktında həlak olan insanların xatirəsini anmaq üçün yanvarın 22-i milli matəm günü elan eidb.
Sakit okeanda, Saxalin bölgəsindəki Cənubi Kuril adaları yaxınlığında 6.4 bal gücündə zəlzələ qeydə alınıb.
Macarıstanın Prezidenti Tamaş Şuyok ölkədə parlament seçkilərinin tarixini aprelin 12-nə təyin edib.
