ABŞ Hindistanı Rusiya neftini ucuz qiymətə almaqda və ondan əldə edilən yanacağı bazar qiymətinə sataraq qazanc əldə etməkdə, eləcə də Rusiyanın hərbi sənayesini pulla təmin etməkdə ittiham edir.
Oxu.Az bu barədə "Bloomberg" agentliyinə istinadla xəbər verir.
Qeyd olunub ki, ABŞ-nin Hindistana qarşı 50% rüsum tətbiqi Rusiya neftini alıcılar üçün daha da ucuzlaşdırıb. Ekspertlər bu halı müsbət qiymətləndirirlər və vurğulayırlar ki, iqtisadi məhdudiyyətlərin mahiyyəti Rusiyanın mənfəətini azaltmaqdan ibarətdir.
Bildirilir ki, "Brent" markalı neftlə müqayisədə Rusiyanın dünya bazarında "Urals" markalı neft üçün endirim bir barelə görə 3-4 dollara qədər artıb.
Omandan olan eyni sortla müqayisədə Rusiya bir barel üçün 7 dollar endirim təklif edir və Hindistanın neftayırma zavodları belə cəlbedici təklifdən imtina etməkdə çətinlik çəkirlər.
Eyni zamanda, Çin şirkətləri də "Urals" neftini satın almağa başlayıblar. Çin tərəfindən bu neftin alınması demək olar ki, 10 dəfə - 50 min barel/sutkadan 420 min barel/sutkayadək artıb.
Xarkovda Rusiya Ordusunun endirdiyi aviazərbələr nəticəsində 3 nəfər ölüb, 25 nəfər yaralanıb.
Keniya Səhiyyə Nazirliyi ölkədə ilk Ebola virusu infeksiyasının qeydə alınması faktını təsdiqləyib.
Estoniyanın xarici işlər naziri Marqus Tsahkna Kişineua səfəri çərçivəsində moldovalı həmkarı, baş nazirinin müavini Mihai Popşoyla görüşüb.
