Qılıncoynatmanın sablya növü üzrə qadınlardan ibarət Azərbaycan millisi Gürcüstanın paytaxtı Tbilisidə keçirilmiş dünya çempionatında 13-cü yeri tutub.
"Report"un məlumatına görə, Leyla Əhmədova, Səbinə Kərimova və Palina Kaspiaroviçdan ibarət kollektiv ilk dueldə Sinqapur yığmasına 45:33 hesabı ilə qalib gəlib.
Yığma ən güclü "səkkizliy"ə yüksəlmək uğrunda keçirilən qarşılaşmada ABŞ millisinə 26:45 hesabı ilə uduzub.
9-16-cı yerlər uğrunda keçirilən görüşlərdə Misir sablyaçılarına 37:45 hesabı ilə uduzan komanda Honkonq (45:39) və Ukrayna (45:44) kollektivlərinə qalib gəlib.
Qadın sablyaçıların şəxsi yarışında Palina Kaspiaroviç və Səbinə Kərimova qrup mərhələsini adlayaraq "64-lüy"ə kimi yüksəlsələr də, ən güclü "32-lik" uğrunda görüşlərdə məğlub olublar. Leyla Əhmədova isə mübarizəni qrupda dayandırıb.
Saleh Məmmədov, Murad Əkbərov, Maqsud Hüseynli və Abbas Hüseynovdan ibarət sablya üzrə kişilərdən ibarət komanda isə fransalı rəqiblərinə 19:45 hesabı ilə uduzub.
Kişi sablyaçıların şəxsi yarışında Maqsud Hüseynli, Murad Əkbərov və Saleh Məmmədov pley-offda uduzub. Abbas Hüseynov isə qrup mərhələsini adlaya bilməyib.
Kişi şpaqaçıların şəxsi yarışında Ruslan Həsənov qrup mərhələsini uğurla adlasa da, "64-lüy"ə yüksəlmək uğrunda keçirilən pley-off qarşılaşmasında məğlub olub.
Azərbaycan cüdoçusu Hidayət Heydərov Bakıda keçirilən dünya çempionatında mübarizəni dayandırıb.
Azərbaycan cüdoçusu Rəşid Məmmədəliyev Bakıda keçirilən dünya çempionatında növbəti qələbəsini qazanıb.
Azərbaycan cüdoçusu Hidayət Heydərov Bakıda keçirilən dünya çempionatında növbəti qələbəsini qazanıb.
Azərbaycan cüdoçusu Rəşid Məmmədəliyev də Bakıda keçirilən dünya çempionatında ilk görüşünü qələbə ilə başa vurub.
Nazirlər Kabineti "İşğaldan azad edilmiş ərazilərdə istehsal fəaliyyəti ilə məşğul olan sahibkarlara kommunal xidmətlərdən (elektrik enerjisi, təbii qaz, su təchizatı və tullantı sularının axıdılması xidməti) istifadəyə görə maliyyə yardımının ödənilməsi qaydası"nın təsdiq edilməsi haqqında" 2 iyun 2023-cü il tarixli qərarında dəyişiklik edib.
