Bu gün İranın Xuzistan əyalətinin Omidiyyə şəhəri 51° temperaturla son 24 saat ərzində planetin ən isti yerinə çevrilib.
"Azad İran" "Telegram" kanalı bu barədə İran KİV-ə istinadən məlumat yayıb.
Dünyanın ən isti 15 bölgəsi arasında İranın daha üç şəhəri - Abadan, Əhvaz və Dezful da yer alıb.
Bu, ölkənin cənub-qərb bölgələrinin ekstremal istilərə məruz qaldığını göstərir.
Qeyd olunur ki, uzunmüddətli isti hava şəraiti əhalinin sağlamlığı, su və elektrik enerjisi təchizatı, eləcə də gündəlik fəaliyyətlər üçün ciddi risk yaradır. Rəsmilər sakinlərə günün ən isti saatlarında açıq havada olmamağı və lazımsız fiziki fəaliyyətdən çəkinməyi tövsiyə edirlər.
InterGlobe Aviation (IndiGo) aviadaşıyıcısı Hindistanın hava limanlarında davam edən daxili əməliyyat problemləri səbəbindən 400-dən çox reysi ləğv edib.
İndoneziyanın Sumatra adasında baş verən şiddətli daşqınlar və torpaq sürüşmələri nəticəsində azı 846 nəfər ölüb, daha 547 nəfər itkin düşmüş sayılır.
Rusiya Prezidenti Vladimir Putin və Hindistanın Baş naziri Narendra Modi arasında görüş başlayıb.
