İyulun 2-də Şuşada keçirilən İqtisadi Əməkdaşlıq Təşkilatının (ECO) VI biznes-forumu 200-dən çox iştirakçı toplayıb.
"Report"un Xankəndiyə ezam olunmuş əməkdaşı xəbər verir kİ, bu barədə Azərbaycanın iqtisadiyyat naziri Mikayıl Cabbarov ECO-nun 17-ci Zirvə görüşündə bildirib.
Onun sözlərinə görə, bu forum İqtisadi Əməkdaşlıq Təşkilatı çərçivəsində regional iqtisadi əməkdaşlığın gücləndirilməsi üçün əhəmiyyətli platforma olub.
"Tədbirdə əsas diqqət sektorlararası qarşılıqlı əlaqənin dərinləşdirilməsi, infrastruktur bağlantısının yaxşılaşdırılması və davamlı, inklüziv biznes modellərinin təşviqi vasitəsilə regionun iqtisadi potensialının açılmasına yönəldilib. Milli ticarət və sənaye palatalarının rəhbərləri öz ölkələrində ticarətin inkişafı, investisiyaların cəlb edilməsi və iqtisadiyyatın bərpası perspektivlərini müəyyən edən məruzələr təqdim ediblər. Çıxış edənlər dövlət və özəl sektorlar arasında dialoqun gücləndirilməsi, transsərhəd ticarət infrastrukturunun genişləndirilməsi və investisiya mühitinin şəffaflığının artırılmasının zəruriliyini vurğulayıblar”, - nazir bildirib.
O vurğulayıb ki, rəqəmsal alətlərə xüsusi diqqət yetirilib.
Nazir, həmçinin vurğulayıb ki, forum çərçivəsində şirkətlər, dövlət qurumları və inkişaf institutları arasında aktiv qarşılıqlı əlaqəyə töhfə verən B2B və B2G formatlarında 20 ixtisaslaşmış görüş keçirilib.
İyulun 21-də Abşeron çimərliklərində gözlənilən hava şəraiti açıqlanıb.
Bu ilin yanvar-may aylarında Azərbaycandan İran İslam Respublikasına 3,076 milyon ABŞ dolları dəyərində 45,703 milyon kubmetr təbii qaz (qaz halında) ixrac edilib.
Azərbaycan Respublikasının Prezidenti İlham Əliyev İspaniyanın Kralı Əlahəzrət VI Felipeyə təbrik məktubu göndərib.
Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Gəncədə təlim keçmiş ispan pilotların tarixindən bəhs edən sənədli filmi paylaşıb.
