Azərbaycanın azad edilmiş əraziləri - Qarabağ və Şərqi Zəngəzur - ölkəyə investisiyalar üçün yeni imkanlar yaradır.
"Report" xəbər verir ki, bu barədə bu gün IV Daşkənd İnvestisiya Forumunun açılışında çıxış edən Azərbaycan Baş naziri Əli Əsədov bəyan edib.
Onun sözlərinə görə, Qarabağda hazırda genişmiqyaslı tikinti-bərpa işləri aparılır.
"Azərbaycan torpaqlarının işğaldan azad edilməsi ilə yaranan yeni reallıqları nəzərə alsaq investisiya əməkdaşlığı üçün yaxşı perspektivlər açılır. Bu gün həmin torpaqlarda biz genişmiqyaslı bərpa işləri aparırıq. Fürsətdən istifadə edərək, işğaldan azad edilmiş Füzuli şəhərində Mirzə Uluqbəy adına məktəbin və Kurmanqazı adına Yaradıcılıq Mərkəzinin açılışını xüsusi qeyd etmək istəyirəm. Bunlar Özbəkistan və Qazaxıstan prezidentlərinin hədiyyəsi kimi tikilib", - o əlavə edib.
Ə.Əsədov qeyd edib ki, Azərbaycan xalqı bu hədiyyələrə görə Özbəkistan və Qazaxıstana minnətdardır.
Azərbaycan Respublikasının Prezidenti İlham Əliyev İspaniyanın Kralı Əlahəzrət VI Felipeyə təbrik məktubu göndərib.
Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Gəncədə təlim keçmiş ispan pilotların tarixindən bəhs edən sənədli filmi paylaşıb.
Azərbaycan Mərkəzi Bankı (AMB) və Çinin "UnionPay" beynəlxalq ödəniş sistemi arasında QR kod əsaslı ödəniş həllərinin inkişafı müzakirə edilib.
