Azərbaycan qılıncoynadanları Çinin Usi şəhərində keçirilən yeniyetmə və gənclərin dünya birinciliyində iştirak ediblər.
"Report" xəbər verir ki, Səid Əliyev, Vahab Fətullayev, Mirxətai Məmmədov və Emin Səfərbəyovdan ibarət sablya yığması ilk görüşdə Belçikaya 45:37 hesabı ilə qalib gəlib.
Milli ən güclü "16-lığ"a yüksəlmək uğrunda keçirilən qarşılaşmada Almaniyaya 26:45 hesabı ilə uduzub. Komanda ümumi sıralamada 31-ci olub.
Aynur Quliyeva, Xədicə Həsənli, Nəzrin Mehdiyeva və Nazilə Rəhimovadan ibarət kollektiv isə şpaqaçıların komanda yarışında 14-cü olub.
Yaponiya yığmasına 34:33 hesabı ilə qalib gələn şpaqaçılar ən güclü "səkkizliy"ə yüksəlmək üçün keçirilən görüşdə Çinə 38:45 hesabı ilə məğlub olub. Komanda 9-16-cı yerlər uğrunda keçirilən görüşlərdə Estoniyaya 31:45 hesabı ilə uduzub. Misir şpaqaçılarını 45:44 hesabı ilə məğlub edən milli son görüşündə ispan rəqiblərinə 27:45 hesabı ilə uduzub.
Yunan-Roma güləşi üzrə milliyə yeni baş məşqçi təyin edilib.
Yunan-Roma və sərbəst güləş üzrə Azərbaycan çempionatına yekun vurulub.
Sərbəst güləş üzrə Azərbaycan çempionatında finalçılar müəyyənləşib.
