Yaponiya hökuməti Qərbi Azərbaycan əyalətində yerləşən Urmiya gölünün bərpası məqsədi ilə üç milyon dollar məbləğində maliyyə vəsaiti ayırıb.
“Report” xəbər verir ki, məlumatı “Azad İran” yayıb.
Məlumata görə, bu barədə İran Ətraf Mühitin Mühafizəsi Təşkilatının sədr müavini Əhmədrza Lahicanzadə Yaponiyanın Urmiya gölünün və başqa bataqlıqların bərpası proqram layihələri üçün 3,3 milyon dollar ayırdığını təsdiqləyib.
Bu, iki ölkə arasında İranın bataqlıq ərazilərini, xüsusilə Urmiya gölünü qorumaq üçün üçüncü əməkdaşlıq layihəsidir.
Məlumata görə, maliyyə yardımı Urmiya gölünün bərpası və ətraf yaşayış məntəqələrinin bataqlıqlardan mühafizəsinə xərclənəcək.
Bildirilib ki, layihə 2024-2028-ci illərdə BMT-nin Ətraf Mühit Təşkilatı, Ərzaq və Kənd Təsərrüfatı Təşkilatı (FAO) ilə birgə əməkdaşlıq nəticəsində həyata keçiriləcək.
Qeyd edək ki, Yaponiyanın maliyyə yardımı ayırması Urmiya gölünün qurumasının qlobal problem olduğunu da təsdiqləyir.
Yaponiya hökuməti 2024-cü ilin sonunda da Urmiya gölünün bərpasına 4,5 milyon dollar məbləğində yardım ayırmışdı.
Avstraliya hökuməti dekabrın 14-də Sidney çimərliyində törədilmiş terror aktında həlak olan insanların xatirəsini anmaq üçün yanvarın 22-i milli matəm günü elan eidb.
Sakit okeanda, Saxalin bölgəsindəki Cənubi Kuril adaları yaxınlığında 6.4 bal gücündə zəlzələ qeydə alınıb.
Macarıstanın Prezidenti Tamaş Şuyok ölkədə parlament seçkilərinin tarixini aprelin 12-nə təyin edib.
