Ukraynalı uşaqlardan ibarət daha bir qrup - Ukraynanın hərbi əsir, itkin düşmüş və həlak olmuş hərbçilərinin uşaqları istirahət və reabilitasiya üçün Azərbaycana gəlib.
Oxu.Az-ın verdiyi məlumata görə, bu barədə Ukraynanın ölkəmizdəki səfiri Yuri Qusyev özünün "Facebook" səhifəsində yazıb.
Onun sözlərinə görə, qonaqları Ukrayna-Azərbaycan Parlamentlərarası Əlaqələr üzrə İşçi Qrupunun rəhbəri, millət vəkili Əlibala Məhərrəmzadə və səfirliyin əməkdaşları qarşılayıblar.
Səfər çərçivəsində uşaqlar Quba şəhərində yerləşən sanatoriyada reabilitasiya keçə, Azərbaycan mədəniyyətinin gözəlliyini dərk edə, həmçinin Ukrayna Mədəniyyət Mərkəzini və Bakının möhtəşəm görməli yerlərini ziyarət edə biləcəklər.
Qeyd edilib ki, bu, müharibə dövründə Ukraynadan Azərbaycana istirahət və reabilitasiya üçün gələn doqquzuncu qrupdur.
Səfir Azərbaycan Respublikasının rəhbərliyinə və xalqına, həmçinin Hərbi əsirlərlə bağlı Koordinasiya Qərargahının komandasına və bütün xeyriyyəçilərə, mesenatlara səfərin təşkilində göstərilən dəstəyə görə təşəkkür edib.
"Bu, təkcə xalqlarımızın dostluğunun həqiqi təzahürü deyil, həm də Ukrayna-Azərbaycan strateji tərəfdaşlığının möhkəmləndirilməsinə mühüm töhfədir", - deyə Qusyev sözlərini yekunlaşdırıb.
Özbəkistan Respublikasının Prezidenti Şavkat Mirziyoyev Azərbaycan Respublikasının energetika naziri Pərviz Şahbazovu qəbul edib.
"Etibarlı Tərəfdaş Konsepsiyası" təsdiq edilib.
Azərbaycan və Gürcüstan energetika, dərin özüllü dəniz limanları tikintisi və sualtı kabellərin çəkilməsi sahəsində mütəxəssislər hazırlayacaq birgə kollecin yaradılması imkanını müzakirə edir.
Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyov Cenevrə şəhərində Beynəlxalq Humanitar Minatəmizləmə Mərkəzinin (GICHD) direktoru səfir Tobias Privitelli ilə görüş keçirib.
Ekologiya və Təbii Sərvətlər Nazirliyi tərəfindən işğaldan azad edilmiş ərazilərdə bioloji müxtəlifliyin qorunması, o cümlədən xüsusi ekoloji əhəmiyyət daşıyan təbiət komplekslərinin mühafizəsi məqsədilə yeni milli parkın yaradılması istiqamətində müvafiq işlərə başlanılıb.
