"Ardıcıl üçüncü dəfə Avropa çempionu olduğum üçün çox sevincliyəm".
Oxu.Az xəbər verir ki, bunu jurnalistlərə açıqlamasında Slovakiyanın paytaxtı Bratislavada keçirilən Avropa çempionatında qızıl medal qazanan Azərbaycanın yunan-Roma güləşçisi Həsrət Cəfərov deyib.
"Məşqlərə dayanmadan davam edirdim. Şükürlər olsun ki, zəhmətimin bəhrəsini gördüm. Ardıcıl üçüncü dəfə çempion olmaq kənardan asan görünə bilər. Lakin bu işin görünməyən tərəfləri çoxdur" .
O, dünya çempionatında da qızıl medal qazanmaq istədiyini bildirib:
"Mundialın gümüş və bürünc medallarını qazanmışam. Arzulayıram ki, bütün yarışların medallarını qazanım. O cümlədən dünya çempionu olmaq istəyərəm".
Qeyd edək ki, Həsrət Cəfərov finalda Əbu Müslim Amayevi (Bolqarıstan) məğlub edərək qızıl medala sahib çıxıb.
Ümumilikdə yarışı 3 qızıl, 1 gümüş və 2 bürünc medalla başa vuran yığma 151 xalla komanda hesabında birinci yeri tutub.
Bakı Media Mərkəzinin rəhbəri Arzu Əliyeva Bakı Ali Neft Məktəbində olub.
"2026-cı ilin ikinci yarısında Azərbaycan və Moldova arasında siyasi məsləhətləşmələr keçiriləcək".
Martın 6-da Pakistan İslam Respublikasının Baş naziri Şahbaz Şərif Azərbaycan Respublikasının Prezidenti İlham Əliyevə zəng edib.
