Pakistanın dövlət aviadaşıyıcısı PIA Avropa Aviasiya Təhlükəsizliyi Agentliyinin (EASA) dörd illik qadağasının ləğvindən sonra Avropaya uçuşları bərpa edib.
“Report” DW-yə istinadən xəbər verir ki, aviaşirkətin Böyük Britaniya və ABŞ-yə uçuşları hələ də qadağandır.
Pakistan müdafiə naziri Xavaca Məhəmməd Asif bildirib ki, PIA tezliklə digər Avropa ölkələrinə də uçuşlarını genişləndirəcək.
Məlumata görə, PIA təyyarələri Parisə həftədə iki dəfə uçacaq. İlk uçuş üçün biletlər tamamilə satılıb, onları 300-dən çox insan alıb.
Avropa İttifaqı (Aİ) 2020-ci ildə PIA-nın uçuşlarını Pakistanın cənub şəhəri Karaçidə “Airbus A-320” təyyarəsinin qəzaya uğraması və 97 nəfərin həlak olmasından sonra qadağan etmişdi.
ÇXR-də təmirdə olan xarici gəmidə baş verən yanğın nəticəsində 25 nəfər həyatını itirib.
Nepalın Çinlə sərhəd ərazisində baş verən güclü torpaq sürüşməsi nəticəsində ölənlərin sayı 1374 nəfərə çatıb.
