2024-cü ildə Azərbaycanın qeyri-neft-qaz sektoru üzrə ixracının dəyəri 2023-cü illə müqayisədə 0,3 % artaraq 3,4 milyard ABŞ dolları təşkil edib.
"Report" bu barədə İqtisadi İslahatların Təhlili və Kommunikasiya Mərkəzinə istinadən xəbər verir.
Məlumata görə, o cümlədən son 1 ildə ölkənin yeyinti məhsullarının ixrac dəyəri 11,3 % artaraq 1 milyard 30 milyon ABŞ dolları olub.
Hesabat dövründə şəkər və şəkərdən hazırlanan qənnadı məhsullarının ixrac dəyəri 62,4 % artaraq 38,5 milyon ABŞ dolları, pambıq lifinin ixraxc dəyəri 45,2 % artaraq 178,2 milyon ABŞ dolları, bitki mənşəli yağlar və piylərin ixrac dəyəri 32,8 % artaraq 28,9 milyon ABŞ dolları, qiymətli metalların ixrac dəyəri 29,2 % artaraq 215,3 milyon ABŞ dolları, kimya sənayesi məhsullarının ixrac dəyəri 18,3 % artaraq 293,7 milyon ABŞ dolları, spirtli və spirtsiz içkilərin ixrac dəyəri 14,3 % artaraq 68,8 milyon ABŞ dolları, çayın ixrac dəyəri 1,6 % artaraq 6 milyon ABŞ dolları, qara metalların ixrac dəyəri 1,9 % artaraq 48,2 milyon ABŞ dolları, alüminium və ondan hazırlanan məmulatların ixrac dəyəri isə 1 % artaraq 197,2 milyon ABŞ dolları təşkil edib.
İl ərzində aqrar məhsulların ixrac dəyəri 2,8 % artaraq 789,4 milyon ABŞ dolları, aqrar-sənaye məhsullarının ixrac dəyəri 57,3 % artaraq 316,1 milyon ABŞ dolları olub. Bütövlükdə aqrar və aqrar-sənaye məhsullarının birgə ixracı 14,1 % artaraq 1,11 milyard ABŞ dolları təşkil edib.
Azərbaycan mediasi ötən 150 ildə çox şərəfli yol keçib.
Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev vətəndaşların növbəti qəbulunu keçirib.
"Gələn ilin sonuna kimi Ağdamın daha iki kəndində bərpa işləri aparılaraq əhalinin köçü təmin ediləcək".
