Bu gün İrlandiyada növbədənkənar ümumi seçkilər keçiriləcək. Seçkilərin nəticələrinə əsasən Nümayəndələr Palatasının (parlamentin aşağı palatası) yeni tərkibi seçiləcək.
Bu barədə "Report" yerli KİV-ə istinadən xəbər verir.
Ümumilikdə 174 deputat mandatı uğrunda seçkilər keçiriləcək. Həmin göstərici 2020-ci ildə keçirilən seçkilərlə müqayisədə 14 mandat çoxdur ki, bu da respublika əhalisinin artımını əks etdirir.
2023-cü ilə qədər ölkənin 5,26 milyon əhalisi var idi. Seçki dairələrinin sayı da artırılıb - 39-dan 43-ə çatıb. Onların hər birinin parlamentdə üçdən beşə qədər nümayəndəsi olmalıdır. Parlamentin aşağı palatasında yerlər uğrunda ümumilikdə 685 namizəd mübarizə aparır.
Seçki məntəqələri yerli vaxtla saat 07:00-da (Bakı vaxtı ilə saat 11:00) açılacaq və saat 22:00-a (Bakı vaxtı ilə saat 02:00) qədər açıq olacaq.
Səslərin yarıdan çoxunu toplayan siyasi partiya hökumət qurmaq hüququ qazanacaq. Lakin 1977-ci ildən indiyədək İrlandiyanın siyasi tarixində belə bir hal baş verməyib.
2025-ci ilin yanvar-oktyabr aylarında Azərbaycan 478 min ABŞ dolları dəyərində 85,3 ton təbii bal idxal edib.
Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu tərəfindən Bakı, Sumqayıt şəhərləri və Abşeron rayonu üzrə yanvar ayının pensiyaları ödənilib.
