İsrail Hərbi Hava Qüvvələrinin qırıcıları Beyrutun cənub ətrafına zərbələr endirir.
Oxu.Az TASS-a istinadən xəbər verir ki, Rafiq Həriri adına Beynəlxalq Hava Limanına gedən magistral yolda yerləşən qaçqın düşərgəsindən güclü partlayış səsləri eşidilir.
Qeyd edək ki, İsrail ordusu Beyrutun cənubunda yerləşən məhəllələrin sakinlərini hava hücumlarına məruz qalacaqları və bu səbəbdən bir neçə binanı tərk etmək zərurəti barədə xəbərdar edib.
Son bir həftə ərzində 350-yə yaxın ABŞ vətəndaşı və orada yaşamaq icazəsi olan şəxslər Vaşinqtonun təşkil etdiyi aviareyslərlə Livanı tərk edib.
İranın xarici işlər naziri Abbas Ərakçi Livan hakimiyyəti ilə danışıqlar aparmaq üçün bu ölkədə səfərdədir.
