Gülnarə Rəsulova: “Laçını sözlə ifadə etmək çox çətindir”

Gülnarə Rəsulova: “Laçını sözlə ifadə etmək çox çətindir”
20 Noy 2023 09:21

“Bugünkü hisslərimi sözlə ifadə etməkdə çətinlik çəkirəm”.

Bunu Oxu.Az-a açıqlamasında Zabux kəndinə köç edən keçmiş məcburi köçkün Gülnarə Rəsulova deyib.

O bildirib ki, ata yurduna köçmək onun illərdir arzusu olub:

“Mən əslən Laçındanam, yoldaşım isə Zabuxdandır. Bu gün yoldaşımın Zabuxda yenidən tikilmiş ata evinə köçürəm. Laçını sözlə ifadə etmək çox çətindir. Uşaqlığımız, gəncliyimizin ilk illəri Laçında keçib. Orada nə hisslər keçirəcəyimi bilmirəm, çox həyəcanlıyam. Bu günü bizə yaşadan şəhidlərimizə Allahdan rəhmət, qazilərimizə cansağlığı diləyirəm. 30 ildir işğal altında qalan Qarabağımızı Ali Baş Komandanın rəhbərliyi ilə azad etdik. İndi erməni vandallarının xarabalığa çevirdiyi kəndlərimiz, qəsəbələrimiz, şəhərlərimiz abadlaşdırılır, yenidən tikilir. Ən qısa zamanda bütün keçmiş məcburi köçkünlərin öz yurd-yuvalarına köçməsini diləyirəm”.

Xatırladaq ki, bu gün növbəti köç karvanı Laçın rayonunun Zabux kəndinə yola salınıb. Bu günədək isə 96 ailənin (382 nəfər) Zabux kəndinə köçü təmin edilib.


20 İyul 2024
İdman

Azərbaycan 2024-cü il Paralimpiya Oyunlarına daha üç lisenziya qazanıb

Daha üç azərbaycanlı idmançı 2024-cü ildə Parisdə keçiriləcək Yay Paralimpiya Oyunlarına lisenziya qazanıb.

15 İyul 2024
İdman

Azərbaycan gimnastları Portuqaliyada səkkiz medal qazanıblar

Azərbaycan gimnastları Portuqaliyanın Santarem şəhərində keçirilən batut gimnastikası, ikili mini-batut və tamblinq üzrə "Scalabis Cup" adlı beynəlxalq yarışda 6 qızıl, 1 gümüş və 1 bürünc medal qazanıblar.

12 İyul 2024
İdman

Yığmamız Portuqaliyaya qarşı

Bu gün 20 yaşadək basketbolçu oğlanlar arasında Avropa çempionatının B divizionunda mübarizəyə start veriləcək.

11 İyul 2024
İdman

Azərbaycan millisi qrupdakı son matçında da qələbə qazanıb

Azərbaycanın 16 yaşadək qızlardan ibarət basketbol millisi Avropa çempionatının C divizionunda qrupdakı son matçını keçirib.

11 İyul 2024
İdman

Azərbaycanın stolüstü tennisçiləri Avropa çempionatında mübarizə aparacaq

Azərbaycanın yeniyetmə stolüstü tennisçilərdən ibarət millisi növbəti Avropa çempionatında mübarizə aparacaq.