Ukrayna Prezidenti Volodimir Zelenski ilə Türkiyə Prezidenti Rəcəb Tayyib Ərdoğan arasında telefon danışığı olub.
Liderlər xüsusilə Kaxovka su elektrik stansiyasında baş verən partlayışla bağlı vəziyyəti müzakirə ediblər.
Söhbət zamanı Prezident R.T. Ərdoğan bildirib ki, Kaxovka SES-də baş vermiş partlayışın ətraflı təhqiqatı üçün hər iki tərəfin, eləcə də BMT və beynəlxalq ictimaiyyətin, o cümlədən Türkiyə ekspertlərinin iştirakı ilə komissiya yaradıla bilər. R.T. Ərdoğan Türkiyənin bununla bağlı mümkün olan hər şeyi etməyə hazır olduğunu bildirib və həmçinin bu məsələdə “taxıl təşəbbüsü”ndə olduğu kimi danışıqlar metoduna əməl oluna biləcəyinə ümid etdiyini deyib.
Bundan əlavə, Türkiyə Prezidenti ölkəsinin ədalətli sülhün bərqərar olması üçün səylərini qətiyyətlə davam etdirəcəyini qeyd edib.
V. Zelenski isə vurğulayıb ki, Rusiya qoşunlarının Ukrayna ərazisindən çıxarılması, eləcə də qanunsuz həbsdə olan ukraynalıların, xüsusilə Krım tatarlarının geri qaytarılması, taxıl təşəbbüsünün davam etdirilməsi və genişləndirilməsi məsələsində Türkiyənin səsi vacibdir.
Qazaxıstan və Qırğızıstan prezidentləri Kasım-Jomart Tokayev və Sadır Japarov Astanada “Müttəfiqlik əlaqələrinin dərinləşdirilməsi və genişləndirilməsi haqqında” Saziş imzalayıblar.
Türkiyə Xarici İşlər Nazirliyi İsraillə İranı daha böyük münaqişəyə səbəb ola biləcək addımlardan çəkinməyə çağırıb.
Pakistanın paytaxtı Kəraçidə baş verən partlayış nəticəsində azı üç nəfər xəsarət alıb.
