Azərbaycanın bir qadın güləşçisi Avropa üçüncüsü olub, digəri beşinci yeri tutub - YENİLƏNİB

Azərbaycanın bir qadın güləşçisi Avropa üçüncüsü olub, digəri beşinci yeri tutub - YENİLƏNİB
17 Mar 2023 09:13

Azərbaycanın daha bir qadın güləşçisi Rumıniyanın paytaxtı Buxarestdə keçirilən U-23 Avropa çempionatında bürünc medal görüşünə çıxıb.

“Report”un məlumatına görə, 68 kq-da mübarizə aparan Nigar Mirzəzadə macarıstanlı Karolina Pokla qarşılaşıb.

Rəqibinə 2:10 hesabı ilə uduzan Mirzəzadə yekunda 5-ci yerlə kifayətlənib. 

20:41

Azərbaycanın qadın güləşçisi Birgül Soltanova Rumıniyanın paytaxtı Buxarestdə keçirilən U-23 Avropa çempionatında finala yüksəlib.

“Report”un məlumatına görə, 65 kq-da çıxış edən idmançı yarımfinalda fransalı İris Matilda Tiboya 6:3 hesabı ilə qalib gəlib. O, həlledici görüşdə rumıniyalı Amina Kapezanı sınağa çəkəcək.

53 kq-dakı Gültəkin Şirinova finala gedən yolda türkiyəli Zeynep Yetgilə 0:5 hesabı ilə uduzub. O, bürünc medal uğrunda qarşılaşmada Mariana Draqatun (Moldova) - Çadiya Ayaçi (Fransa) cütünün qalibi ilə görüşəcək.

57 kq-da yer alan Jalə Əliyevanın təsnifatda məğlub olduğu ukraynalı Aleksandra Xomenets finala yüksəldiyindən Azərbaycan təmsilçisi təsəlliverici görüşlərə qatılmaq hüququ əldə edib. Onun rəqibi bolqarıstanlı Nazife Mustafa Tahir olacaq.

18:52

Azərbaycanın iki qadın güləşçisi Rumıniyanın paytaxtı Buxarestdə keçirilən U-23 Avropa çempionatında yarımfinala yüksəlib.

“Report” xəbər verir ki, 53 kq-dakı Gültəkin Şirinova və 65 kq-dakı Birgül Soltanova bu raundadək irəliləyə biliblər. Şirinova finala gedən yolda türkiyəli Zeynep Yetgillə, Soltanova isə fransalı İris Tiboks ilə güləşəcək.

57 kq-dakı Jalə Əliyeva təsnifatda ukraynalı Aleksandra Xomenetsə məğlub olub. O, rəqibi finala çıxsa, sabah təsəlliverici görüşə qatılacaq.

68 kq-dakı Nigar Mirzəzadə təsəlliverici görüşdə polşalı Karolina Kozlovskaya qalib gəlib. Mirzəzadə bürünc medal uğrunda macarıstanlı Karolina Pokla qarşılaşacaq. Bu gün, həmçinin, 55 kq-dakı Elnurə Məmmədova bürünc medal uğrunda qarşılaşmada Mihaela Samoillə (Moldova) üz-üzə gələcək.

Qeyd edək ki, Avropa çempionatı martın 19-da başa çatacaq. Daha əvvəl yunan-Roma güləşçiləri 4 medal qazanıblar. Elmir Əliyev (60 kq), Qurban Qurbanov (72 kq) və Murad Əhmədiyev (97 kq) qızıl, Xasay Həsənli (77 kq) isə gümüş medala sahib çıxıblar.


28 Mar 2024
İdman

Azərbaycanın dörd boksçusu beynəlxalq turnirin finalına vəsiqə qazandı

Azərbaycanın daha dörd kişi boksçusu Bakıda keçirilən “Böyük İpək Yolu” beynəlxalq turnirinin finalına vəsiqə qazanıb.

27 Mar 2024
İdman

Avropa Oyunları 2027-ci ildə İstanbulda keçiriləcək

Avropa Oyunları 2027-ci ildə Türkiyənin İstanbul şəhərində keçiriləcək.

27 Mar 2024
İdman

Azərbaycan Kuboku: “Neftçi” qrup lideri kimi yarımfinala yüksəlib - FOTO

“Sərhədçi” İdman Mərkəzində basketbol üzrə Azərbaycan Kubokunun A qrupunda son iki oyun keçirilib.

26 Mar 2024
İdman

Azərbaycanın iki qadın boksçusu Bakıdakı turnirdə finala vəsiqə qazanıb

Bakıda qadın boksçular arasında “Böyük İpək Yolu” beynəlxalq turnirində yarımfinal mərhələsi başa çatıb.

26 Mar 2024
İdman

Azərbaycanın 5 boksçusu beynəlxalq turnirdə yarımfinala yüksəldi

Bakıda kişi və qadın boksçular arasında “Böyük İpək Yolu” beynəlxalq turniri davam edir.