Mingəçevirin Gənclər Paytaxtı seçilməsi ilə bağlı tədbir keçirilib.
“Report” xəbər verir ki, tədbir Mingəçevir şəhəri Heydər Əliyev mərkəzində baş tutub.
Tədbirdə gənclər və idman naziri Fərid Qayıbov, Milli Məclisin sədr müavini, millət vəkili Əli Hüseynli, Gənclər Fondunun rəhbəri Fərid Cəfərov, Azərbaycan Kanoe və Avarçəkmə Federasiyasının (AKAF) baş katibi Fərhad Əliyev və digər rəsmi şəxslər iştirak ediblər.
Azərbaycan Respublikasının dövlət himninin səsləndirilməsi ilə başlayan tədbirdə ilk söz Milli Məclisin sədrinin birinci müavini Əli Hüseynliyə verilib.
Millət vəkili öz çıxışında Gənclər Gününün önəmindən bəhs edərək bildirib ki, məhz Heydər Əliyev ilində Mingəçevirin Gənclər Paytaxtı seçilməsi xüsusi hadisədir. O, gənclərin dövlət idarəçiliyindəki önəmli rolundan, müstəqilliyimizin qorunmasındakı xüsusi xidmətlərindən bəhs edib.
Gənclər və idman naziri Fərid Qayıbov da çıxışında Gənclər Gününün tarixindən bəhs edib və bildirib ki, həm MDB məkanında, həm də BMT-də ilk dəfə bu günün təsis edilməsi Azərbaycanda olub. O, ölkə başçısı, Prezident İlham Əliyevin gənclərə olan qayğısından bəhs edərək vurğulayıb ki, ilk dəfə gənclər günü paytaxtdan kənarda, Mingəçevirdə keçirilib. Nazir qeyd edib ki, Mingəçevirin Gənclər Paytaxtı seçilməsi münasibəti ilə il ərzində həm bu şəhərdə, həm də digər regionlarda gənclərlə bağlı silsilə tədbirlər həyata keçiriləcək.
Gənclər Fondunun prezidenti Fərid Cəfərov da çıxışında Gənclər Paytaxtı seçilən Mingəçevirin ölkənin ictimai-siyasi həyatındakı önəmindən bəhs edib. O, vurğulayıb ki, Mingəçevir gəncləri hər zaman olduğu kimi, bu il ərzində də aktivlik göstərəcəklər.
2022-ci ildəki uğurlu fəaliyyətə görə Binəqədi, Xəzər və Gəncə Gənclər evləri xüsusi mükafata layiq görülüblər.
Daha sonra təhsil, mədəniyyət, ədəbiyyat, İKT, tibb və digər sahələrdə fərqlənən gənclərə mükafatlar təqdim olunub. Gənclərin mükafatlarını gənclər və idman naziri Fərid Qayıbov, Gənclər Fondunun rəhbəri Fərid Cəfərov, Milli Məclisin sədr müavini Əli Hüseynli təqdim ediblər.
Gənclər Paytaxtının rəmzi açarı Tovuzdan alınaraq Mingəçevirə verilib.
Sonda Mingəçevirin 2023-cü ilin Gənclər Paytaxtı seçilməsi münasibəti ilə şəhərin loqosu təqdim olunub.
Tədbir bədii hissə ilə davam edib.
Bu gün Azərbaycan Dövlət Su Ehtiyatları Agentliyinin sədri Zaur Mikayılov Zaqatala Suvarma Sistemləri İdarəsinin inzibati binasında Zaqatal, Balakənvə digər rayonlardan olan vətəndaşları qəbul edib, onların müraciətlərini dinləyib, ərizə və şikayətlərinə baxıb.
Azərbaycan Respublikasının xarici işlər naziri Ceyhun Bayramov Fələstin Dövlətinin Baş naziri, eləcə də xarici işlər və xaricdə yaşayan fələstinlilər üzrə naziri Məhəmməd Mustafa ilə telefon danışığı aparıb.
Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Mülayim şimal-qərb küləyi əsəcək.
Müdafiə naziri general-polkovnik Zakir Həsənovun təsdiq etdiyi cari ilin hazırlıq planına əsasən, Hərbi Dəniz Qüvvələrinin (HDQ) Hərbi Hava Qüvvələri (HHQ) ilə birgə “Xəzər səması-2024” hava hücumundan müdafiənin təşkili mövzusunda taktiki təlimi keçirilib.
