Böyük Britaniyada müəllimlərin etiraz aksiyası başlayıb.
Bunun ölkədə son 10 ildə ən böyük tətil olacağı gözlənilir.
İngiltərə və Uelsdə müəllimlər 2016-cı ildən bəri ilk milli tətildə iştirak edirlər.
Milli Təhsil Birliyindən (NEU) verilən məlumata görə, maaşlarının artırılmasını tələb edən 100 mindən çox insanın qatılacağı gözlənilir. Həmçinin universitet işçiləri, dövlət qulluqçuları, qatar və avtobus sürücülərinin də iştirak edəcəyi qeyd edilir.
Şotlandiyanın iki hissəsində - Klakmannanşir və Aberdində də müəllimlər davamlı tətilə başlayıb.
Qeyd edək ki, 2022-ci ildə İngiltərə və Uelsdəki əksər dövlət məktəblərinin müəllimlərinin maaşı 5% artıb. Lakin həmkarlar ittifaqları bildirir ki, inflyasiyanın 10%-i keçdiyi nəzərə alınarsa, bu, maaşların kəsilməsi deməkdir.
Şotlandiyada müəllimlər 5% artımdan imtina ediblər.
Qazaxıstan və Qırğızıstan prezidentləri Kasım-Jomart Tokayev və Sadır Japarov Astanada “Müttəfiqlik əlaqələrinin dərinləşdirilməsi və genişləndirilməsi haqqında” Saziş imzalayıblar.
Türkiyə Xarici İşlər Nazirliyi İsraillə İranı daha böyük münaqişəyə səbəb ola biləcək addımlardan çəkinməyə çağırıb.
Pakistanın paytaxtı Kəraçidə baş verən partlayış nəticəsində azı üç nəfər xəsarət alıb.
