Rusiya diplomatları birtərəfli qaydada amerikalı həmkarları ilə strateji hücum silahları məsələlərinə dair görüşdə iştirakdan imtina ediblər.
Məlumata görə, Strateji Hücum Silahları Müqaviləsi çərçivəsində iki ölkənin nümayəndə heyətlərinin görüşləri noyabrın 29-dan dekabrın 6-dək Qahirədə keçirilməli idi.
Rusiya birtərəfli qaydada görüşü təxirə salıb və yeni tarixlər təklif edəcəyini bildirib.
Qeyd edək ki, Rusiya və ABŞ diplomatları arasında görüş Ukrayna müharibəsinin başlanmasından bəri ilk görüş olmalı idi və iki ölkə arasında siyasi dialoqun bərpasına ümidlər yaratmışdı.
Qazaxıstan və Qırğızıstan prezidentləri Kasım-Jomart Tokayev və Sadır Japarov Astanada “Müttəfiqlik əlaqələrinin dərinləşdirilməsi və genişləndirilməsi haqqında” Saziş imzalayıblar.
Türkiyə Xarici İşlər Nazirliyi İsraillə İranı daha böyük münaqişəyə səbəb ola biləcək addımlardan çəkinməyə çağırıb.
Pakistanın paytaxtı Kəraçidə baş verən partlayış nəticəsində azı üç nəfər xəsarət alıb.
