Bu gün Avropanın yeddi ölkəsinin - Estoniya, Finlandiya, İslandiya, Latviya, Litva, Norveç və İsveçin xarici işlər nazirləri Kiyevə gediblər.
bu barədə Latviyanın xarici işlər naziri Edqars Rinkeviçs öz “Twitter” səhifəsində yazıb.
“Şimali Baltikyanı ölkələrin xarici işlər nazirləri Kiyevə səfər edir və Ukraynanın yüksək səviyyəli rəsmiləri ilə görüşürlər. Bu, Rusiya təcavüzü başlayandan bəri Ukraynaya səfər etmiş ən böyük nazirlər qrupudur. Əsas məsələ - Ukraynanı bundan sonra necə dəstəkləməli”, - deyə Rinkeviçs bildirib.
O, həmkarları ilə fotosunu da paylaşıb.
Finlandiyanın xarici işlər naziri Pekka Haavisto öz “Twitter” səhifəsində Kiyevin mərkəzindəki Mixaylovskaya meydanında Ukrayna Silahlı Qüvvələri tərəfindən məhv edilən Rusiya qoşunlarının hərbi texnikasının fotosunu dərc edib.
“Müstəqilliklərini müdafiə edən ukraynalıların cəsarətinə və qətiyyətinə ancaq heyran olmaq olar. Biz Ukraynaya nə qədər lazımdırsa, dəstəkləməyə davam edəcəyik. Rusiya işğalçı müharibəsini dayandırmalı və getməlidir”, - deyə o vurğulayıb.
Qazaxıstan və Qırğızıstan prezidentləri Kasım-Jomart Tokayev və Sadır Japarov Astanada “Müttəfiqlik əlaqələrinin dərinləşdirilməsi və genişləndirilməsi haqqında” Saziş imzalayıblar.
Türkiyə Xarici İşlər Nazirliyi İsraillə İranı daha böyük münaqişəyə səbəb ola biləcək addımlardan çəkinməyə çağırıb.
Pakistanın paytaxtı Kəraçidə baş verən partlayış nəticəsində azı üç nəfər xəsarət alıb.
