Azərbaycan Premyer Liqası: Bu gün daha iki oyun keçiriləcək

Azərbaycan Premyer Liqası: Bu gün daha iki oyun keçiriləcək
05 Noy 2022 10:02

Bu gün futbol üzrə Azərbaycan Premyer Liqasında XIII turun daha iki oyunu keçiriləcək.

günün ilk matçında “Qəbələ” “Zirə”ni qəbul edəcək. Hazırda paytaxt klubu 19 xalla 4-cü, əyalət təmsilçisi isə 17 xalla 5-ci pillədə qərarlaşıb.

İki komanda indiyədək ölkə çempionatında 28 dəfə qarşılaşıb. Bunların 9-da “qırmızı-qaralar”, 6-da “qartallar” qələbə qazanıb. 13 qarşılaşma sülhlə başa çatıb. Topların nisbətində də bölgə təmsilçisinin üstünlüyü var - 33:24.

Son iki qarşılaşmada üç qol vurulub. “Qəbələ”nin meydanındakı son dörd matçda heç-heçə qeydə alınıb.

Günün digər oyununda “Neftçi” “Sumqayıt”da eyniadlı komandanın qonağı olacaq. “Ağ-qaralar” 25 xalla 3-cü sırada yer alıblar. Dörd xalı olan “gənclik şəhəri” təmsilçisi isə sonuncudur.

Komandalar bunadək Premyer Liqada 40 dəfə üz-üzə gəliblər. Bunların 20-si “Neftçi”nin, 12-si “Sumqayıt”ın xeyrinə yekunlaşıb. 8 görüşdə qalib müəyyənləşməyib. Bakılıların vurduğu 61 qola sumqayıtlılar 44 topla cavab veriblər.

“Neftçi” son üç oyunda qalib gəlib. “Sumqayıt” iki matçdır ki, qol vura bilmir.

Azərbaycan Premyer Liqası
XIII tur

5 noyabr (şənbə)

15:00. “Qəbələ” – “Zirə”

Hakimlər: Rauf Cabarov, Namiq Hüseynov, Eyyub İbrahimov, Nicat İsmayıllı
Hakim-inspektor: Ramil Diniyev
Qəbələ şəhər stadionu.

19:00. “Sumqayıt” – “Neftçi”

Hakimlər: Cavid Cəlilov, Rahil Ramazanov, Vüsal Məmmədov, Vüqar Həsənli
Hakim-inspektor: Babək Quliyev
“Kapital Bank Arena”.

Qeyd edək ki, turun açılış matçında “Şamaxı” səfərdə “Turan Tovuz”a 3:1 hesabı ilə qalib gəlib. Tura noyabrın 6-da keçiriləcək “Səbail” - “Sabah” və “Qarabağ” - “Kəpəz” görüşləri ilə yekun vurulacaq.


28 Mar 2024
İdman

Azərbaycanın dörd boksçusu beynəlxalq turnirin finalına vəsiqə qazandı

Azərbaycanın daha dörd kişi boksçusu Bakıda keçirilən “Böyük İpək Yolu” beynəlxalq turnirinin finalına vəsiqə qazanıb.

27 Mar 2024
İdman

Avropa Oyunları 2027-ci ildə İstanbulda keçiriləcək

Avropa Oyunları 2027-ci ildə Türkiyənin İstanbul şəhərində keçiriləcək.

27 Mar 2024
İdman

Azərbaycan Kuboku: “Neftçi” qrup lideri kimi yarımfinala yüksəlib - FOTO

“Sərhədçi” İdman Mərkəzində basketbol üzrə Azərbaycan Kubokunun A qrupunda son iki oyun keçirilib.

26 Mar 2024
İdman

Azərbaycanın iki qadın boksçusu Bakıdakı turnirdə finala vəsiqə qazanıb

Bakıda qadın boksçular arasında “Böyük İpək Yolu” beynəlxalq turnirində yarımfinal mərhələsi başa çatıb.

26 Mar 2024
İdman

Azərbaycanın 5 boksçusu beynəlxalq turnirdə yarımfinala yüksəldi

Bakıda kişi və qadın boksçular arasında “Böyük İpək Yolu” beynəlxalq turniri davam edir.