Kembric Universitetindən olan beynəlxalq astronomlar qrupu Marsın cənub qütbünün buz örtüyü altında suyun ola biləcəyinə dair yeni sübutlar tapıb. Alimlərin işi “Nature Astronomy” jurnalında dərc olunub.
Tədqiqatçılar buz örtüyünün hündürlüyünü müəyyən etmək üçün NASA-nın “Mars Global Surveyor” kosmik aparatının lazer altimetrindən istifadə edərək buz örtüyünün yuxarı səthini təhlil ediblər.
Təhlil nəticəsində 10-15 km uzunluğunda səth dalğalanmaları, o cümlədən çökəklik və müvafiq qalxma aşkar edilib ki, hər ikisi ətrafdakı buz səthdən bir neçə metr kənara çıxır.
Daha sonra məlumatlar buz örtüyünün altında suyun olmasının onun səthinə necə təsir edəcəyini göstərən kompüter modeli ilə müqayisə edilib.
“Yeni topoqrafik məlumatların və kompüter modelimizin nəticələrinin birləşməsi Marsda ən azı bir yerdə suyun olması ehtimalının güclü olduğunu göstərir. Bu o deməkdir ki, Mars hələ də geotermal cəhətdən aktiv olmalıdır, yalnız o zaman buz örtüyünün altındakı su maye halda qalacaq”, - deyə alimlər qeyd ediblər.
Yer kimi, Marsın da hər iki qütbündə buz örtükləri var. Lakin altında su olan Yerin buz təbəqələrindən fərqli olaraq, Marsdakı buz örtüklərinin soyuq planet iqlimi səbəbindən dibə qədər donduğu düşünülür.
Qazaxıstan və Qırğızıstan prezidentləri Kasım-Jomart Tokayev və Sadır Japarov Astanada “Müttəfiqlik əlaqələrinin dərinləşdirilməsi və genişləndirilməsi haqqında” Saziş imzalayıblar.
Türkiyə Xarici İşlər Nazirliyi İsraillə İranı daha böyük münaqişəyə səbəb ola biləcək addımlardan çəkinməyə çağırıb.
Pakistanın paytaxtı Kəraçidə baş verən partlayış nəticəsində azı üç nəfər xəsarət alıb.
