Rusiyanın Tula vilayətinin iş adamlarından ibarət nümayəndə heyəti Azərbaycanın paytaxtı Bakıda səfərdədir. Tula vilayətində istehsal edilən məhsulların Azərbaycana tədarükü ilə bağlı müqavilələrin imzalanması gözlənilir.
Rusiyanın Azərbaycandakı Ticarət Nümayəndəliyinə istinadən xəbər verir ki, səfər zamanı bir sıra danışıqlar, “B2B” formatında görüşlər və Azərbaycan müəssisələrinə səfərlər gözlənilir.
Biznes nümayəndə heyəti ilə Rusiya İxrac Mərkəzinin (RİM) Azərbaycandakı nümayəndəliyinin ofisində Rusiyanın Azərbaycandakı ticarət nümayəndəsi Ruslan Mirsayapov və RİM-in Azərbaycandakı nümayəndəliyinin rəhbəri Nuri Quliyevlə görüş keçirilib.
Tula vilayətinin İxraca Dəstək Mərkəzinin rəhbərinin müavini Polina Nikitenko deyib ki, regionun müəssisələrində istehsal edilən məhsulların ixracı məhsul idxalından düz iki dəfə çoxdur.
R.Mirsayapov isə iş adamlarının diqqətini ölkələr arasında azad ticarət sazişi, sertifikatların təsdiq edilməsinin sadələşdirilmiş proseduru və Azərbaycanda logistika infrastrukturunun inkişafına yönəldib:
“Tula vilayəti Azərbaycana ixrac üçün perspektivli sahələrə malikdir: ərzaq məhsulları, metal konstruksiyalar, yüksək texnologiyalı avadanlıqlar”.
N.Quliyev öz növbəsində, Rusiya müəssisələrinin ehtiyacları üçün Rusiyanın ixrac və idxalını dəstəkləmək məqsədilə RİM-də mövcud olan maliyyə və qeyri-maliyyə alətlərini təqdim edib.
Qeyd edək ki, nümayəndə heyətinə “Kubanmaslo-Emz” MMC, “Belevskaya Konditerskaya Kompaniya” MMC, “Armada SB” MMC, “Starıye traditsiyi” MMC və sair müəssisələrin rəhbərləri daxildir.
İqtisadiyyat naziri Mikayıl Cabbarov Yurgen Riqterink ilə görüşüb.
Rusiyanın Primorye diyarının Lesozavodsk şəhərində buzlu yağış səbəbindən fövqəladə vəziyyət elan edilib.
“Azərbaycanda vergi güzəştlərinin hazırlanması metodologiyası üzərində iş gedir”.
Dünyada hərbi münaqişələrin geniş vüsət alması şəraitində dünya iqtisadiyyatında gərginlik və risklər artmaqda davam edir, bunu nəzərə alaraq bu gün müzakirəyə çıxarılan 2024-cü ilin Azərbaycanın dövlət büdcəsi layihəsi mürəkkəb qlobal şəraitə təsadüf edir.
