Avstriyada təlim-məşq toplanışında olan "Qarabağ" bu gün 2 yoxlama matçı keçirəcək.
“Realpress.az”ın məlumatına görə, "köhlən atlar" günün ilk oyununda Almaniyanın "Holştayn Kiel" komandası ilə üz-üzə gələcək. "St. Ulrix" stadionundakı qarşılaşma Bakı vaxtı ilə saat 14:00-da başlayacaq.
Toplanışın və günün son matçında isə rəqib Rumıniyanın “Universitatya Krayova” klubu olacaq. "Yenbax" stadionunda oynanılacaq görüş Bakı vaxtı ilə saat 20:30-da start götürəcək.
"Qarabağ" Avstriyadakı ilk yoxlama oyununda Rumıniyanın "Botoşani" komandasını darmadağın edib - 4:0.
Yeni mövsümə Türkiyənin Bolu şəhərində hazırlaşan "Zirə" isə ilk sınağına çıxacaq. "Qartallar" Rumıniyanın I Liqasında çıxış edən "Hermanştadt"la qarşılaşacaq. Görüş Bakı vaxtı ilə saat 18:00-da başlanacaq.
Yoxlama oyunları
29 iyun
14:00. "Qarabağ" - "Holştayn Kiel" (Almaniya)
"St. Ulrix" stadionu
20:30. "Qarabağ" - “Universitatya Krayova” (Rumıniya)
"Yenbax" stadionu
18:00. "Zirə" - "Hermanştadt" (Rumıniya)
Bolu
Qadın şahmatçılar arasında Avropa çempionatında IV turun oyunları keçirilib.
Azərbaycanın üç boksçusu Serbiyanın paytaxtı Belqradda keçirilən Avropa çempionatının beşinci günündə çıxışını qələbə ilə başa vurub.
Azərbaycan paraüzgüçüsü Raman Saley Portuqaliyanın Madeyra şəhərində keçirilən Avropa Açıq Çempionatının ikinci günündə gümüş medal qazanıb.
