"Yaxşı oynadıq, amma özümdən daha çox şey gözləyirəm".
“Realpress.az”ın məlumatına görə, bunu Xorvatiyanın "Dinamo" (Zaqreb) klubunun futbolçusu Mahir Emreli Sloveniya "Nafta"sına 3:0 hesabı ilə qalib gəldikləri yoxlama oyunu barədə danışarkən deyib.
25 yaşlı hücumçu bildirib ki, səhər məşqindən sonra matça çıxmaq asan deyildi: "Hazırlıq dövründə bunlar normal şeylərdir. İnanıram ki, ilk rəsmi matçadək formada olacağıq".
Ötən il koronavirusa yoluxduğunu söyləyən Azərbaycan millisinin forvardı həmin vaxt tam hazırlaşa bilmədiyini vurğulayıb: "Mənə ağır idi. Amma indi özümü yaxşı hiss edirəm. Çünki ilk gündən komandanın məşqlərində iştirak edirəm. Bu atmosferi hiss etmək önəmlidir".
Görüşdə sonuncu qolun müəllifi olan futbolçu çıxışından razı qalmadığını əlavə edib.
Qeyd edək ki, Mahir Emreli "Nafta"ya qarşı görüşdə sonuncu qolun müəllifi olub. O, 83-cü dəqiqədə fərqlənib.
Azərbaycanın idman gimnastı Nikita Simonov İtaliyanın Rimini şəhərində keçirilən Dünya Kubokunda final mərhələsinə vəsiqə qazanıb.
Bu gün Azərbaycanın 7 cüdoçusu Xorvatiyanın paytaxtı Zaqrebdə start götürəcək Avropa çempionatında mübarizəyə başlayacaq.
Azərbaycan bədii gimnastları Özbəkistanın paytaxtı Daşkənddə keçiriləcək Dünya kubokunda iştirak edəcəklər.
