“Məndə cərrahi müdaxilənin tələb olunduğu onurğa travması var”.
“Realpress.az” xəbər verir ki, bunu Tbilisidə özəl klinikada müalicə olunan Gürcüstanın keçmiş prezidenti Mixeil Saakaşvili yazdığı məktubunda bildirib.
Yeriməkdə çətinlik çəkdiyini qeyd edən siyasətçi əsasən yataqda olduğunu bildirib: “Səhhətim haqqında bir çox şayiələr olduğundan özümü necə hiss etməyim barədə məlumat açıqlamağa qərar verdim. MRT müayinəsi onurğamda travmanın olduğunu təsdiqləyib, çox güman ki, bu, güc tətbiq edilməklə Qldani həbsxanasına aparılarkən aldığım zədədir. Bu travma, başa düşdüyüm kimi, cərrahi müdaxilə tələb edir. Onurğamda şiddətli ağrılar var, gündə bir neçə dəfə ağrıkəsici verilir. Məndə güclü titrəmə və başgicəllənmə var”.
M.Saakaşvili müayinə zamanı beynində bəzi dəyişikliklərin aşkarlandığını da vurğulayıb.
Qeyd edək ki, M.Saakaşvili mayın 12-də saxlanıldığı Rustavi şəhərindəki 12 saylı həbsxanadan Tbilisidəki “Vivamedi” klinikasına köçürülüb.
Türkiyə Xarici İşlər Nazirliyi İsraillə İranı daha böyük münaqişəyə səbəb ola biləcək addımlardan çəkinməyə çağırıb.
Pakistanın paytaxtı Kəraçidə baş verən partlayış nəticəsində azı üç nəfər xəsarət alıb.
Türkiyənin Ərzincan şəhərinin İliç rayonunda qızıl mədəninin yerləşdiyi geniş ərazidə torpaq sürüşməsi zamanı itkin düşən doqquz işçidən daha birinin cəsədi tapılıb.
