“Şuşa və Ağdama avtobus reyslərin təşkili investisiyaların təşviqi üçün əhəmiyyətli ola bilər” - AÇIQLAMA

“Şuşa və Ağdama avtobus reyslərin təşkili investisiyaların təşviqi üçün əhəmiyyətli ola bilər” - AÇIQLAMA
28 Yan 2022 13:53


“Şuşa və Ağdama müntəzəm avtobus reyslərinin açılması potensial investorlara regionun iqtisadi potensialını dəyərləndirmək imkanı verəcək”.

Onun sözlərinə görə, Azərbaycan hakimiyyəti işğaldan azad olunmuş ərazilərin bərpası istiqamətində qısa zaman kəsiyində mümkünsüz görünənləri reallaşdıra bilib: “İşğaldan azad olunmuş torpaqların bərpası ölkə başçısı tərəfindən elə ilk gündən prioritet olaraq müəyyən olundu. Bundan dərhal sonra həmin ərazilərdə intensivlik baxımından bu günə kimi misli görülməyən yenidənqurma işlərinə start verildi. Burada vacib məqam nəqliyyat-kommunikasiya infrastrukturunun bərpası idi. Yeni yolların salınması, mövcud olanların bərpası, hava limanlarının tikintisi istiqamətində genişmiqyaslı işlər görüldü və bu gün də görülməkdədir. Nəticədə ötən ilin noyabrında Füzuliylə Şuşanı birləşdirən “Zəfər yolu” istismara verildi, yeni tikilən Füzuli hava limanı artıq hava gəmilərini, o cümlədən xaricdən gələn təyyarələri qəbul edir. Son olaraq İran nümayəndə heyətini Azərbaycana gətirən təyyarə Tehrandan birbaşa olaraq Füzuli hava limanına eniş etdi”.

Ekspert hesab edir ki, həmin ərazilərə müntəzəm avtobus reyslərinin açılması birmənalı şəkildə bir sıra iqtisadi dividendlər vəd edir: “Əvvəla insanların ata-baba yurdlarını, əjdadlarının uyuduğu torpaqları görmək istəyini nəzərə alsaq, həmin reyslərə yüksək tələbatın olacağını demək olar. Nəqliyyat sektorunun rəqəmsallaşması sahəsində aparılmış işlərin nəticəsi olaraq sərnişinlər bu gün biletləri evdən çıxmadan onlayn formada sifariş etmək imkanına malikdirlər. Bu, biletlərin əlçatanlığını artırmaqla satışların həcminə müsbət mənada təsir edə bilər. Eyni zamanda burada müştəri məmnunluğu da vacibdir. Belə ki, səfərlər komfortlu və təhlükəsiz səyahəti təmin edən avtobuslarla həyata keçirilir ki, bu da tələbin stimullaşdırılması baxımından əhəmiyyətli olacaq. Bütün bu faktorların həmin marşrutlar üzrə sərnişindaşımanın rentabelliliyinə böyük töhfəsi ola bilər. Bu gün Qarabağda həyata keçirilən bərpa və yenidənqurma işlərinin tempini nəzərə alsaq yaxın gələcəkdə belə səfərlərin arealının xeyli genişlənəcəyini ehtimal etmək olar. Bu isə potensial investorlara Qarabağın iqtisadi potensialının qiymətləndirilməsi üçün geniş imkanlar verəcək”.

Qeyd edək ki, bu il yanvarın 24-dən etibarən Şuşa və Ağdama müntəzəm avtobus reyslərinin təşkilinə başlanıb. Bakı ilə yanaşı, Füzuli və Bərdədən həyata keçiriləcək səfərlərdə iştirak etmək istəyənlər biletləri www.yolumuzqarabaga.az portalından almalıdırlar.

Xatırladaq ki, Əhmədbəyli-Şuşa üzrə həftədə dörd dəfə, digər istiqamətlərdə isə həftədə iki dəfə avtobus reysləri olacaq. Bakı-Şuşa-Bakı üzrə biletin qiyməti 10,4 manat, Bakı-Ağdam-Bakı üzrə biletin qiyməti 9,4 manat, Əhmədbəyli-Şuşa-Əhmədbəyli üzrə biletin qiyməti yeddi manat, Bərdə-Ağdam-Bərdə üzrə biletin qiyməti beş manat, Füzuli Beynəlxalq Hava Limanı-Şuşa-Füzuli Füzuli Beynəlxalq Hava Limanı üzrə isə biletin qiyməti altı manat olacaq. Bu qiymətlər yalnız bir istiqamətədir. Vətəndaşlar gediş-gəliş biletlərini eyni vaxtda almalıdılar.

Şuşaya yol 6 saat 30 dəqiqə, Ağdama isə altı saatdır. Şuşa və Ağdamda ziyarət üçün iki saat yarım vaxt ayrılır.

28 Mar 2024
Cəmiyyət

Sumqayıtda avtomobil yollarının təmirinə başlanılıb

Azərbaycan Avtomobil Yolları Dövlət Agentliyi Sumqayıt şəhərində avtomobil yollarının əsaslı təmiri ilə bağlı ölkə Prezidentinin Sərəncamına əsasən genişmiqyaslı təmir-tikinti işlərinə başlayıb.

28 Mar 2024
Cəmiyyət

Dövlət İmtahan Mərkəzi auditor seçir

Dövlət İmtahan Mərkəzi (DİM) 2023-2024-cü illər üzrə maliyyə hesabatlarının auditi üçün kotirovka sorğusu elan edib.

28 Mar 2024
Cəmiyyət

Sabah 20° isti olacaq

Mart 29-na gözlənilən hava proqnozu açıqlanıb.

28 Mar 2024
Cəmiyyət

Bu gecə ehtimal edilən ilk Qədr gecəsidir

Bu gecə Azərbaycanda Ramazan ayının ehtimal edilən ilk Qədr (əhya) gecəsidir.

28 Mar 2024
Cəmiyyət

Nazir: “Strateji sahələrin təmsilçilərinə təbriklərimizi çatdırırıq” - FOTO

İqtisadiyyat naziri Mikayıl Cabbarov Azərbaycan Respublikasının dövlət təhlükəsizliyi və xarici kəşfiyyat orqanları əməkdaşlarının peşə bayramları münasibəti ilə təbrik edib.