Gürcüstanın paytaxtı Tbilisidə basketbol üzrə Avropa çempionatının oyunlarının keçirilməsi üçün beynəlxalq standartlara uyğun yeni idman sarayı inşa olunur.
"Realpress.az"ın yerli bürosu xəbər verir ki, bu barədə ölkənin Baş naziri İrakli Qaribaşvili hökumətin iclasında açıqlama verib.
“Bu il basketbol üzrə Avropa çempionatına Köln, Praqa və Milan şəhərləri ilə yanaşı, Gürcüstanın paytaxtı Tbilisi də ev sahibliyi edəcək” deyən İ.Qaribaşvilinin sözlərinə görə, Tbilisidə çempionatın A qrupu üzrə matçları sentyabrın 1-dən 18-dək keçiriləcək: “Oyunlarda Gürcüstan yığması ilə yanaşı, İspaniya, Rusiya, Türkiyə, Belçika və Bolqarıstanın milli komandaları da iştirak edəcəklər”.
Qeyd edək ki, Almaniya, Fransa, Sloveniya, Litva, Macarıstan, Bosniya və Herseqovina B, İtaliya, Yunanıstan, Xorvatiya, Ukrayna, Estoniya və Böyük Britaniya C, Çexiya, Serbiya, Finlandiya, Polşa, İsrail və Niderland D qrupunda yer alıb.
Türkiyə Prezidenti Rəcəb Tayyib Ərdoğan Ankarada Almaniya Prezidenti Frank Valter-Ştaynmayerlə görüşüb.
İspaniyada səfərdə olan "Sumqayıt" klubunun baş məşqçisi Samir Abasovun "Barselona"nın "sükanı arxasında" olan Xavi Ernandeslə görüşü nəzərdə tutulub.
