Regionlardan Bakıya avtobus biletləri onlayn satılacaq

Regionlardan Bakıya avtobus biletləri onlayn satılacaq
14 Yan 2022 16:17

Bakı Beynəlxalq Avtovağzal Kompleksi (BBAK) yalnız Bakıdan regionlara bilet satışı həyata keçirir. Əks istiqamətdə şəhərlərarası  bunu açıqlamasında Rəqəmsal İnkişaf və Nəqliyyat Nazirliyindən (RİNN) bildirilib.

Nazirliyin açıqlamasında deyilir ki, AYNA informasiya sistemi yaradıldıqdan sonra bu problem həll ediləcək:

“Yaxın gələcəkdə avtomobil nəqliyyatı sahəsində xidmətlərin elektron formada göstərilməsini təmin edən və innovativ həllərin tətbiqinin genişləndirilməsinə xidmət edən “AYNA” informasiya sistemi istifadəyə verildikdən sonra informasiya sistemləri vahid mərkəzdə cəmlənəcək. AYNA informasiya sisteminin tətbiqi nəticəsində ölkə üzrə sərnişin və yükdaşımaları barədə əldə edəcəyimiz müfəssəl məlumat bazası avtomobil nəqliyyatı sahəsində daha effektiv tənzimləmə normalarının tətbiqinə də imkan yaradacaq. Bundan sonra respublikanın bütün şəhər və rayonlarına hər iki istiqamətdə bilet satışı həyata keçirmək mümkün olacaq”.

Nazirlik həmçinin BBAK-ın saytında Naxçıvan avtobus marşrutu ilə edilən səfərlərin beynəlxalq reys kimi qeyd edilməsinə də aydınlıq gətirib:

“Bakı-Naxçıvan marşrutu İran İslam Respublikasının ərazisindən keçdiyi üçün beynəlxalq reyslər siyahısına əlavə edilib. Qeydiyyat xarici ölkələrə səfərlərdə olduğu kimi ümumvətəndaş pasportları ilə aparılır. Həmçinin reysi həyata keçirən daşıyıcılar da beynəlxalq səfərlər üçün nəzərdə tutulan icazələrlə təmin edilirlər”.

Qeyd edək ki, Bakı Beynəlxalq Avtovağzalının saytından onlayn bilet satışı ancaq Bakıdan olan istiqamətlərə var. Yəni Bakıdan rayonlara getmək istəyən şəxslər bu sayt vasitəsi ilə onlayn bilet ala bilər. Amma regionlardan paytaxta gəlmək istəyənlər isə yalnız həmin rayonun avtovağzalından bilet əldə edə bilər.


25 Yan 2022
Cəmiyyət

100 yaşlı Fatma Səttarova: “Bu gün həyatımda ən dəyərli hədiyyəni aldım”

Azərbaycan Respublikası Müharibə, Əmək və Silahlı Qüvvələr Veteranları Təşkilatının sədri, İkinci Dünya müharibəsi veteranı Fatma Səttarovanın 100 yaşı tamam olur. Bu gün Prezident İlham Əliyev bu münasibətlə onu təbrik edib və “İstiqlal” ordeni ilə təltif edilməsi haqqında sərəncam imzalayıb.

25 Yan 2022
Cəmiyyət

Dayanma-durma cəriməsi ikiqat arta bilər – VİDEO

Sürücülərin ən çox cərimələndiyi qayda pozuntularından biri də dayanma-durmaya görədir. 

25 Yan 2022
Cəmiyyət

Cəlilabadda Şəhidlər Parkı salınacaq - FOTO

Cəlilabad rayonunda Birinci və İkinci Qarabağ müharibəsi şəhidlərinin xatirəsinin əbədiləşdirilməsi məqsədilə Şəhidlər Parkı salınacaq.

25 Yan 2022
Cəmiyyət

Güclü qar səbəbindən Bakı-İstanbul-Bakı axşam reysi də ləğv edilib - YENİLƏNİB + VİDEO

İstanbulda yağan güclü qar səbəbindən Bakı-İstanbul-Bakı (J2 077/078) axşam reysi də ləğv edilib.

25 Yan 2022
Cəmiyyət

Səbuhi Mehdizadə: “Stolüstü tennisin inkişafı məqsədilə xüsusi strategiya hazırlanır”

Son illər Azərbaycanda sürətlə inkişaf etdirilən idman növlərindən biri də stolüstü tennisdir