Nazirlikdən tenderlə bağlı iddialara CAVAB

Nazirlikdən tenderlə bağlı iddialara CAVAB
14 Yan 2022 15:19


“Elektron su təsərrüfatı” informasiya sisteminin (ESTİS) təkmilləşdirilməsi, sistemin müvafiq serverlərdə saxlanılması və mütəmadi texniki xidmətlərin göstərilməsi məqsədilə Ekologiya və Təbii Sərvətlər Nazirliyinin “Elektron Hökumətin İnkişafı Mərkəzi” publik hüquqi şəxslə bir il müddətinə bağladığı satınalma müqaviləsi ilə bağlı bəzi mənbələrdə səsləndirilən fikirlərə aydınlıq gətirilib.

Nazirliyin Ekoloji Siyasət şöbəsinin müdiri Faiq Mütəllimov realpress.az-a açıqlama verərək bildirib ki, mövcud hüquqi prosedurlardan xəbəri olmadan, məsələnin mahiyyətini öyrənmədən, dəqiqləşdirmədən əsassız ittihamların səsləndirilməsi ictimai fikirdə çaşqınlıq yaratmaqdan başqa bir şey deyil:

“Ölkə Prezidentinin 2021-ci il 13 fevral tarixli Fərmanı ilə təsdiq edilmiş “Elektron su təsərrüfatı” informasiya sisteminin Əsasnaməsinə uyğun olaraq ESTİS-in sahibi Ekologiya və Təbii Sərvətlər Nazirliyi, operatoru isə “ASAN xidmət”in tabeliyində olan “Elektron Hökumətin İnkişafı Mərkəzi” Publik Hüquqi Şəxsdir”.

F.Mütəllimov onu da qeyd edib ki, “Dövlət satınalmaları haqqında” Azərbaycan Respublikasının Qanununun 21.1.1-ci maddəsinə və İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin razılıq məktubuna uyğun olaraq ETSN kotirovka və tender sorğusu keçirmədən “Elektron Hökumətin İnkişafı Mərkəzi” ilə birbaşa müqavilə bağlaya bilər. 

Nazirliyin rəsmisi Dövlət satınalmalarının vahid internet portalının “Bağlanmış müqavilə haqqında məlumat” bölməsində də bu barədə müvafiq məlumatın dərc edildiyini bildirib.


25 Yan 2022
Cəmiyyət

Qoz xərçəng və Altsheymer xəstəliyinin inkişafı riskini azaldır

Qoz və tum sağlamlığını düşünən bir çox insanın mətbəxində əsas məhsullardan biridir. Qozun istehlakı 2-ci növ diabetin daha aşağı inkişaf riski və ürək-damar xəstəlikləri riski ilə əlaqədardır. Marşall Universitetində aparılan tədqiqat göstərir ki, iki həftə ərzində gündə 2 unsiya (60 qram) qozun istehlakı süd vəzi xərçənginin artımını yavaşlatdı və ya bu xəstəliyin inkişaf riskini azaltdı.

25 Yan 2022
Cəmiyyət

Yanvarın 25-nə avtomobil yollarında vəziyyət

Yanvarın 25-nə avtomobil yollarında vəziyyət açıqlanıb.

25 Yan 2022
Cəmiyyət

Avtobus reysinin açılması Şuşa üçün xüsusi əhəmiyyət daşıyır - Aydın Kərimov

Bakı-Şuşa avtobus reysinin açılması Şuşa üçün xüsusi əhəmiyyət daşıyır.

25 Yan 2022
Cəmiyyət

Azərbaycan Mərkəzi Bankının valyuta məzənnələri (25.01.2022)

Azərbaycan Mərkəzi Bankının bu günə olan rəsmi valyuta məzənnələrinə əsasən, ABŞ dollarının məzənnəsi dəyişməyərək 1,7000 manat olub.

25 Yan 2022
Cəmiyyət

Azərbaycanda tikinti materiallarının istehsal həcmi açıqlanıb

2021-ci ildə Azərbaycanda tikinti materiallarının istehsalı sahəsində istehsalın ümumi də yəri 871,8 milyon manat olmaqla, əvvəlki illə müqayisədə 80,6 faiz artıb.