Bakıda küçədə aşkarlanan uşaq tibb məntəqəsinə yerləşdiriləcək - YENİLƏNİB+FOTO

Bakıda küçədə aşkarlanan uşaq tibb məntəqəsinə yerləşdiriləcək - YENİLƏNİB+FOTO
16 Okt 2021 09:14


Ailə, Qadın və Uşaq Problemləri üzrə Dövlət Komitəsi Bakıda uşaq baxımsızlığı nəticəsində küçədə aşkarlanan uşaqla bağlı növbəti məlumat yayıb.

Qurumun mətbuat katibi Teymur Mərdanoğlu bildirib ki, Ailə, Qadın və Uşaq Problemləri üzrə Dövlət Komitəsinin aidiyyəti qurumlarla birgə həyata keçirdiyi səlahiyyətləri çərçivəsində uşaq və anası tapılıb.

Onun sözlərinə görə, hazırda azyaşlının müalicə üçün tibb müəssisəsinə yerləşdirilməsi istiqamətində müvafiq işlər aparılır.

13:26

Küçədə dilənən uşaqla bağlı məsələdə aidiyyəti qurum kimi adı hallandırılan Səhiyyə Nazirliyi məsələyə münasibət bildirib.

realpress.az-ın sorğusuna cavab olaraq Səhiyyə Nazirliyinin Media və Kommunikasiya şöbəsindən bildirilib ki, prosedur qaydalarına görə, yerli İcra Hakimiyyətinin qəyyumluq şöbəsi yaxud da hüquq-mühafizə orqanlarının əməkdaşları akt tərtib edərək vətəndaşı nəzarətə götürürlər:

“Daha sonra Səhiyyə Nazirliyinə yaxud müvafiq quruma müraciət edilir və şəxsin tibbi yoxlanışdan keçməsi təmin edilir. Qeyd edək ki, Respublika Narkoloji Mərkəzində müalicə könüllüdür və şəxs azyaşlıdırsa, o, Mərkəzə ya valideynləri, ya da Yerli İcra Hakimiyyəti nümayəndəsi ilə müraciət etməlidir”.

13:14

Ailə, Qadın və Uşaq Problemləri üzrə Dövlət Komitəsi sosial şəbəklərdə küçədə aşkarlanan uşaq barədə yayılan məlumatlara münasibət bildirib.

realpress.az-ın sorğusuna cavab olaraq bildirilib ki, uşaq baxımsızlığı nəticəsində küçədə aşkarlanan uşaqla bağlı sosial şəbəkələrdə əksini tapan məsələnin həlli istiqamətində tədbirlər görülür:

“Eləcə də uşağın hüquqlarının təmin olunması istiqamətində Ailə, Qadın və Uşaq Problemləri üzrə Dövlət Komitəsi və aidiyyəti qurumların hər birinin səlahiyyətləri çərçivəsində müvafiq tədbirlər görülməkdədir. Vətəndaşlara bu məsələlərə həssas yanaşdıqlarına görə təşəkkür edirik. Eyni zamanda belə hallarda təcili müdaxilə edilməsi məqsədilə birbaşa aidiyyəti dövlət orqanlarına məlumat verməklərini xahiş edirik”.

12:42

“Uşaq bir neçə ay əvvəl sığınacağa gətirilsə də, bizimlə qalmaq istəmədi”.

Bu sözləri realpress.az-a açıqlamasında “Azərbaycan Uşaqları” İctimai Birliyinin sədri Kəmalə Ağazadə deyib.

O bildirib ki, uşağı sığınacağa ərazi üzrə post patrul xidməti əməkdaşları qeyri-rəsmi şəkildə yolda görüb, yazıqları gəldiyi üçün gətirmişdilər: “Uşaq gələn kimi özünü öldürürdü ki, mən burada qala bilmərəm. Mən o zaman bu uşağın vəziyyətini gördüm. Məsələ ictimailəşdirildikdən sonra Daxili İşlər Nazirliyinin dərhal reaksiyasına sevindim. Necə tez bir zamanda uşaq tapılıb, zəruri olacaq bütün analizlər götürülüb, nəticələr müəyyən edilib. Sadəcə Elşad Hacıyeva eşq olsun deyə bilərəm ki, bu qədər operativ şəkildə davrandılar.

Amma bildiyim qədər uşaq və anası ən azı iki sutka müayinə olunsaydı, daha yaxşı olardı. Nəinki xroniki xəstəlik, istənilən xəstəlik belə olsa onlar müayinə, müalicə olunmalıdırlar. Uşağın qəyyumu təkcə anası deyil. Hər bir halda nəticədə uşaq küçədə qalmalıdır? Aidiyyəti qurumları mən paylaşımımda da işarələmişəm. Mən ilk dəfə deyil küçə uşaqları ilə çalışıram. O uşaq bizə gətiriləndə də onun davranışlarından hiss etdim ki, asılı vəziyyətdədir. Adətən toksik maddələr qəbul edənlərin davranışlarını onda hiss etdim və məsələnin aidiyyəti üzrə araşdırılması üçün paylaşım etdim”

10:04

“Azyaşlının narkotik vasitə istifadəsinə dair iddialar əsassızdır”.

Bunu realpress.az-a açıqlamasında Daxili İşlər Nazirliyinin Mətbuat Xidmətinin KİV və ictimaiyyətlə əlaqələr şöbəsinin rəisi, polis mayoru Elşad Hacıyev deyib. 

O bildirib ki, həmin azyaşlı anasının yanındadır:

“Onun barəsində dəfələrlə profilaktik tədbirlər görülüb. Sığınacağa yerləşdirilməsi təklif olunsa da, o, bundan qəti imtina edib. Həmin uşaq və anası xroniki xəstəlikdən əziyyət çəkirlər. Ana və azyaşlı uşağın qanunvericiliyə uyğun olaraq, aidiyyəti qurumlar məlumatlandırılmaqla müvafiq xəstəxanaya yerləşdirilməsi, eləcə də həyat və sağlamlıqlarının nəzarətə götürülməsi istiqamətində tədbirlər görüləcək. Hazırda bu istiqamətdə ərazi polis orqanına müvafiq göstərişlər verilib”.

09:30

“Bakıda uşağın küçələrdə dilənməsini görməzdən gəlirlər”.

Bu barədə “Azərbaycan Uşaqları” İctimai Birliyinin sədri Kəmalə Ağazadə özünün “Facebook” səhifəsində məlumat paylaşıb.

Daha əvvəl də sosial şəbəkələrdə görüntüləri paylaşılan uşaqla bağlı aidiyyəti qurumların reaksiyasız qalması istifadəçilər tərəfindən ciddi müzakirə edilib.

K.Ağazadə küçədə diləndirilən azyaşlı uşağın narkotik, toksik maddələr qəbul etməsi ehtimalı olduğunu vurğulayıb:

“Bu uşağı sosial şəbəkələrdə paylaşmayan qalmadı! Amma nə Daxili İşlər Nazirliyi, nə Səhiyyə Nazirliyi, nə Ailə, Qadın və Uşaq Problemləri üzrə Dövlət Komitəsi, Təhsil Nazirliyi, nə də qəyyumluq komissiyasından reaksiya gəlməyib”.

Paylaşımda paytaxtın Yasamal rayonu ərazisində bu vəziyyətdə görülən uşağa Rayon İcra Hakimiyyəti nümayəndələrinin də məsələyə reaksiyasız qalması qınanılıb:

“Yasamal Rayon İcra Hakimiyyəti də bu uşağı görmədi ki, görmədi. Bu uşağın narkotik, toksik maddələr qəbul etməsi ehtimalı çox böyükdür. Bədəni yara içində, ayıq görən olmur. Bu uşaq müalicə almalıdır. Narkoloji şöbə uşaqlar üçün olmasa belə müalicə olunmalıdır. Daha sonra müəssisəyə yerləşdirilməlidir. Mən bu vəziyyətdə ona heç nə edə bilmərəm. Amma siz, dövlət qurumları, bir xəstə, asılı uşağı cəmiyyətə yenidən qaytarmağa borclusunuz”.


Könül Cəfərli

17 Apr 2024
Cəmiyyət

Azərbaycan Hərbi Hava Qüvvələri Naxçıvanda təlim keçib, şərti düşmən məhv edilib

Əlahiddə Ümumqoşun Ordunun (ƏÜO) Hərbi Hava Qüvvələrində taktiki-xüsusi təlim keçirilib.

17 Apr 2024
Cəmiyyət

Qazaxda Aqrar Biznes Festivalı keçirilib

Kənd Təsərrüfatı Nazirliyinin Aqrar İnnovasiya Mərkəzinin təşkilatçılığı və Sahibkarlığın İnkişafı Fondu, İstehlak Mallarının Ekspertizası Mərkəzi və Sahibkarlar Konfederasiyasının tərəfdaşlığı ilə Qazaxda Aqrar Biznes Festivalı keçirilib.

17 Apr 2024
Cəmiyyət

Azərbaycanda lisey və gimnaziyaların sayı artırılacaq

“2014-cü ildən başlayaraq təhsil sistemində olimpiadalara yeni yanaşma tətbiq olundu. Sonrakı mərhələdə istedadlı uşaqların müəyyənləşdirilməsi istiqamətində işlər davam etdirildi”.

17 Apr 2024
Cəmiyyət

Sabah 28 dərəcə isti olacaq - PROQNOZ

Azərbaycan ərazisində aprelin 18-nə gözlənilən hava proqnozu açıqlanıb.

17 Apr 2024
Cəmiyyət

Milli Məclisdə dinləmə keçirilir

Milli Məclisdə Ailə, qadın və uşaq məsələləri, Səhiyyə və Təbii ehtiyatlar, energetika və ekologiya komitələrinin "Sağlam ailə modelinin hüquqi aspektləri-Yaşıl dünya müstəvisində" movzusunda dinləmə keçirilir.