Azərbaycanlı gənclər Kiyevdə aksiya keçirdi - FOTO

Azərbaycanlı gənclər Kiyevdə aksiya keçirdi - FOTO
15 Okt 2021 15:44


Kiyevdə Ukrayna Azərbaycanlıları Radasının (UAR), həmçinin Azərbaycan Tələbə və Məzunlar Platformasının (ASAP) birgə təşkilatçılığı ilə Vətən müharibəsi qəhrəmanlarını yad etmək, Azərbaycan həqiqətlərini Ukrayna ictimaiyyətinə çatdırmaq məqsədilə aksiya keçirilib.

Azadlıq meydanında Azərbaycan Gənclər Fondunun və Diasporla iş üzrə Dövlət komitəsinin dəstəyi ilə keçirilən aksiya zamanı sakinlərə və şəhərin qonaqlarına Vətən müharibəsi dövründə Ermənistanın törətdiyi hərbi cinayətlər və erməni vandalizmi haqqında məlumatları əks etdirən bukletlər paylanıb. İşğal dövründə Azərbaycanın mədəni irsinə, təbiətinə və mülki əhalisinə qarşı törədilən cinayətlər haqqında paytaxt sakinlərinə məlumat verən gənclər müharibənin mülki insanlar, xüsusən yeniyetmə və uşaqlara qoyduğu unudulmaz və ağır təsirlər, həmçinin erməni vandalizminin səbəb olduğu dəhşətli faktlar barədə danışıblar.

Kiyevlilər aksiyanı maraqla qarsalayıblar və azərbaycanlı gənclərə yaxınlaşaraq daha ətraflı məlumat alıblar, şəkillər çəkdiriblər. Bununla Azərbaycan-Ukrayna dostluğunu bir daha nümayiş etdirən sakinlər ölkəmizə dəstək olduqlarını bildiriblər.

Ukrayna Azərbaycanlıları Radasının baş katibi Ceyhun Məmmədov Diasporla iş üzrə Dövlət Komitəsinin şöbə müdürünün müavini Tural Səfərova, Azərbaycan Gənclər Fondunun İcraçı direktorun müavini Orxan Ərəbova, beynəlxalq əlaqələr şöbəsi donorlarla iş üzrə mütəxəssisi İbrahim Mehdiyevə və ASAP-ın nümayəndəsi Rafael Hacibəyliyə Avropanın müxtəlif şəhərlərində keçiriləcək silsilə tədbirlərə Kiyevdən başladıqları üçün təşəkkür edib.

Baş katib həmçinin əlavə edib ki, Azərbaycan həqiqətlərinin təbliği işi bundan sonra da davam edəcək.

UAR aparat rəhbəri Elşad İbrahimov öz növbəsində Möminə Səttarovanın rəhbərliyində Radanın Gənclər departamentinin rolunun vacibliyini vurğulayıb.

Aksiyada gənclər Azərbaycan xalqına bu böyük zəfər sevincini yaşadan Ali Baş Komandan İlham Əliyevə minnətdarlıq ifadə edib, şanlı qələbəni bizə bəxş edən şəhidlər ehtiramla yad olunub, qazilərə şəfa arzulanıb və bir daha “Qarabağ Azərbaycandır” şüarı səsləndirilib.


28 Mar 2024
Cəmiyyət

Sumqayıtda avtomobil yollarının təmirinə başlanılıb

Azərbaycan Avtomobil Yolları Dövlət Agentliyi Sumqayıt şəhərində avtomobil yollarının əsaslı təmiri ilə bağlı ölkə Prezidentinin Sərəncamına əsasən genişmiqyaslı təmir-tikinti işlərinə başlayıb.

28 Mar 2024
Cəmiyyət

Dövlət İmtahan Mərkəzi auditor seçir

Dövlət İmtahan Mərkəzi (DİM) 2023-2024-cü illər üzrə maliyyə hesabatlarının auditi üçün kotirovka sorğusu elan edib.

28 Mar 2024
Cəmiyyət

Sabah 20° isti olacaq

Mart 29-na gözlənilən hava proqnozu açıqlanıb.

28 Mar 2024
Cəmiyyət

Bu gecə ehtimal edilən ilk Qədr gecəsidir

Bu gecə Azərbaycanda Ramazan ayının ehtimal edilən ilk Qədr (əhya) gecəsidir.

28 Mar 2024
Cəmiyyət

Nazir: “Strateji sahələrin təmsilçilərinə təbriklərimizi çatdırırıq” - FOTO

İqtisadiyyat naziri Mikayıl Cabbarov Azərbaycan Respublikasının dövlət təhlükəsizliyi və xarici kəşfiyyat orqanları əməkdaşlarının peşə bayramları münasibəti ilə təbrik edib.