“Azərbaycanın indi qarşısında duran əsas problemlər azad olunmuş ərazilərin minalardan təmizlənməsi və dağılmış infrastrukturun, binaların, evlərin, Azərbaycan xalqının tarixi abidələrinin bərpasıdır”.
Bu sözləri Azərbaycan Prezidenti İlham Əliyev Müstəqil Dövlətlər Birliyinin Dövlət Başçıları Şurasının videokonfrans formatında keçirilən iclasında çıxışı zamanı deyib.
Dövlət başçısı bildirib ki, müharibədən sonra Azərbaycanın 150-dən çox vətəndaşı minaların partlaması nəticəsində ya həlak olub, ya da ciddi xəsarətlər alıb:
“Ermənistan bizə minalanmış ərazilərin tam xəritələrinin verilməsindən imtina edir. Azərbaycan tərəfinə verilən xəritələrin kiçik qismində isə dəqiqlik 25 faizdir. 30 illik işğal dövründə demək olar ki, bütün binalar və tarixi abidələr dağıdılıb. Azad edilmiş ərazilərdə 67 məsciddən 65-i tam dağıdılıb. Yarıdağıdılmış iki məsciddə isə işğalçılar məqsədli şəkildə müsəlmanları təhqir etmək üçün donuz və mal-qara saxlayıblar. Füzuli şəhəri və Füzuli rayonun kəndlərində bina və evlərin 100 faizi dağıdılıb. Eyni vəziyyət Ağdam şəhərində və Ağdam rayonundadır. Ağdam şəhəri “Qafqazın Xirosiması” adlandırılıb. Cəbrayıl rayonunda cəmi iki bina salamat qalıb ki, burada da erməni silahlı qüvvələrinin hərbçiləri yerləşdirilmişdi. Oxşar mənzərə Zəngilan, Qubadlı, Laçın və Kəlbəcər rayonlarda var. Şuşa şəhərində mövcud olan 17 məsciddən 16-sını işğal vaxtı işğalçılar dağıdıb. Bir məscid “tolerantlıq” nümayiş etdirmək üçün saxlanılıb və İrandan olan qondarma mütəxəssislərin yardımı ilə onu fars məscidi kimi təqdim etməyə cəhd göstərilib”.
Samir İsayev
Üzərinə həbs qoyulmuş əmlakın idarə edilməsi proseduru müəyyənləşib.
Azərbaycanın iqtisadiyyat naziri Mikayıl Cabbarov “Uğur yolu” karyera inkişafı proqramının yekun mərhələsinin açılışında iştirak edib.
Xəbər verildiyi kimi, Baş prokurorun rəhbərlik etdiyi nümayəndə heyətinin Çin Xalq Respublikasına işgüzar səfəri davam edib.
