Nazir dünya çempionu olmuş idmançımızı aeroportda qarşıladı - FOTO

Nazir dünya çempionu olmuş idmançımızı aeroportda qarşıladı - FOTO
13 Okt 2021 13:57


Azərbaycanın gənclər və idman naziri Fərid Qayıbov Norveçin paytaxtı Osloda keçirilən güləş üzrə dünya çempionatında qızıl medal qazanmış yunan-Roma güləşçimiz Rafiq Hüseynovu aeroportda şəxsən qarşılayıb. 

Bununla bağlı R.Hüseynov “Instagram” hesabında paylaşım edib. 

“Azərbaycanın gənclər və idman naziri Fərid Qayıbov səhər saat 5-də şəxsən özü idmançılarımızı hava limanında qarşılayır. Hər bir rəhbər vəzifəli şəxsə örnək olacaq bir addım...

Əlbəttə bu, bizim üçün şərəfdir və gələcək yarışlarımızda bizə daha da əzmlə çalışmağa vadar edən bir addımdır.

Bizə dəyər verdiyiniz üçün təşəkkürlər, cənab nazir”.

Qeyd edək ki, Oktyabrın 2-dən 10-dək Norveçin paytaxtı Osloda keçirilən güləş üzrə dünya çempionatında Müdafiə Nazirliyinin Mərkəzi Ordu İdman Klubunun zabiti qızıl medal qazanıb. Yarışda ölkəmizi hər 3 güləş növü üzrə idmançılarımız təmsil edib.

Yunan-Roma güləşi üzrə millimiz baş məşqçi Aleksandr Tarakanov, böyük məşqçi Rövşən Bayramov və məşqçi Həsən Əliyevin rəhbərliyi altında uğurlu çıxış edib. Belə ki, yığmamız 1 qızıl, 1 gümüş və 2 bürünc medalla 107 xal toplayıb və komanda hesabında dünya üçüncüsü olub. Rusiya (152) birinci, İran (146) isə ikinci pillədə qərarlaşıb.

Yarışın 6-cı günündə 82 kq çəki dərəcəsində mübarizəyə qoşulan yunan-Roma güləşçimiz baş leytenant Rafiq Hüseynov əvvəlcə Estoniya güləşçisini vaxtından əvvəl üstələyib. Qırğızıstan idmançısı da təcrübəli güləşçimiz qarşısında tab gətirməyib. İsveçli dünya ikincisi və Avropa üçüncüsü Aleks Kessidislə görüş dramatik alınıb. Rafiq ilk hissəni 0:6 hesabıyla başa vurub. İkinci yarıda əsl əzmkarlıq nümayiş etdirən zabitimiz güclü rəqibinə minimal fərqlə qalib gələrək yarımfinala vəsiqə qazanıb. Finalın bir addımlığında Rusiya pəhləvanıyla gərgin keçən görüşdən də üzüağ çıxan Rafiq ardıcıl 2-ci dəfə dünya çempionatının finalına yüksəlib. Həlledici görüşdə Türkiyə güləşçisinə qalib gələn həmyerlimiz dünya çempionu olub.

Rafiq Hüseynov bundan qabaq 2 dəfə Qızıl Qran-Pri qalibi, dəfələrlə Azərbaycan çempionu, Avropa çempionu, 2015-ci ildə keçirilən hərbçilərarası Olimpiya çempionatının qalibi, 2017-ci il İslam Həmrəyliyi Oyunlarının qalibi, dünya ikincisi və 77 kq çəki dərəcəsində Tokio Yay Olimpiya Oyunlarının bürünc mükafatçısı olub.


27 Okt 2021
İdman

Azərbaycanlı idmançı Çempionlar Liqasındakı oyunlarından DANIŞDI

Futzal üzrə UEFA Çempionlar Liqasının əsas mərhələsində iştirak edəcək “Araz-Naxçıvan” Bakıdakı hazırlığını yekunlaşdırıb və komanda Bakı-İstanbul-Lvov reysi ilə səfərə yollanıb.

27 Okt 2021
İdman

Olimpiya mükafatçımız dünya çempionatında mübarizəyə qoşulur

Bu gün Serbiyanın paytaxtı Belqradda keçirilən boks üzrə dünya çempionatında iki boksçumuz mübarizəyə qoşulacaq.

27 Okt 2021
İdman

Dünya çempionatında iştirak edəcək 12 güləşçimizin adı bilindi - FOTO

Noyabrın 1-dən 7-dək Serbiyanın paytaxtı Belqradda 23 yaşadək güləşçilərin dünya çempionatı keçiriləcək.

26 Okt 2021
İdman

Qış Olimpiya Oyunlarının medalları təqdim olunub

2022-ci ildə Çinin paytaxtı Pekində keçiriləcək Qış Olimpiya və Paralimpiya Oyunlarının medalları təqdim olunub.

26 Okt 2021
İdman

Azərbaycanın üç boksçusu dünya çempionatında mübarizəyə başlayır

Bu gün Serbiyanın paytaxtı Belqradda keçirilən boks üzrə dünya çempionatında Azərbaycanın daha 3 boksçusu mübarizə aparacaq.