Prezident: “Hadrutun azad olunması gələcək planlarımız üçün yeni imkanlar açdı” - VİDEO

Prezident: “Hadrutun azad olunması gələcək planlarımız üçün yeni imkanlar açdı” - VİDEO
11 Okt 2021 09:25


Hadrut əməliyyatı İkinci Qarabağ müharibəsindəki əməliyyatlar sırasında xüsusi əhəmiyyət daşıyan əməliyyatdır. Həm hərbi nöqteyi-nəzərdən, həm strateji nöqteyi-nəzərdən bu əməliyyatın çox böyük əhəmiyyəti var idi. Bu əməliyyatın uğurla başa çatması bizə imkan verdi ki, öz hədəfimizə - Qarabağın azad edilməsinə nail olaq.

Bu fikirləri Prezident İlham Əliyev Xocavənd rayon ictimaiyyətinin nümayəndələri ilə görüşündə çıxış edərkən söyləyib.

Hadrutun strateji nöqteyi-nəzərdən xüsusi əhəmiyyətini vurğulayan dövlətimizin başçısı deyib: “Qəsəbə ətrafında yerləşən təpələr böyük əraziyə nəzarət etməyə imkan verir və Hadrutu götürmək hərbi nöqteyi-nəzərdən çox çətin idi. Eyni zamanda, Hadrutu götürməklə bizim gələcək planlarımız üçün yeni imkanlar açıldı”.

Prezident qeyd edib ki, müharibə zamanı Ermənistan ordusunda on mindən çox fərari olmasına və bəzi yaşayış məntəqələrindən onların tələm-tələsik qaçaraq çıxmasına baxmayaraq, Hadrutda dirəniş, müqavimət göstərdilər və burada gedən şiddətli döyüşlər bir neçə gün davam etdi. Lakin Azərbaycan əsgəri, zabiti qarşısında öz acizliyini dərk edərək burada da məğlubiyyətə uğradılar.


27 Okt 2021
Siyasət

İlham Əliyev və Rəcəb Tayyib Ərdoğanın birgə mesajları - MÖVQE

“Türkiyə Prezidenti Rəcəb Tayyib Ərdoğanın Füzuliyə və Zəngilana səfərləri çox mühüm tarixi və siyasi hadisədir. Türkiyə liderinin Prezident İlham Əliyevlə birgə Füzuli Beynəlxalq Hava Limanının açılışını etməsi böyük əhəmiyyət kəsb edirdi”.

27 Okt 2021
Siyasət

Əliyev-Ərdoğan görüşü: Türkiyəni qəbul etməyənlərə cavab və Ermənistanın ifşası - TƏHLİL

Türkiyə Prezidenti Rəcəb Tayyib Ərdoğanın Azərbaycana ötən gün baş tutan səfəri növbəti dəfə bütün dünya üçün önəmli mesajlar ehtiva edir. İstər Azərbaycan Prezidenti İlham Əliyevin Türkiyə liderini Füzuli hava limanının açılışına dəvət etməsi, istərsə də Ərdoğanın bu dəvəti məmnuniyyətlə qəbul edib Azərbaycana təşrif etməsi dövlətlərarası münasibətlərdə artıq uzun illərdir formalaşmış birlik və bərabərliyin əyani təzahürü kimi qarşımıza çıxır.

27 Okt 2021
Siyasət

Prezidentdən şəhid ailələri və qazilərlə bağlı FƏRMAN

Prezident İlham Əliyev şəhid və şəhid ailəsi statusu almış şəxslərə, müharibə ilə əlaqədar əlilliyi müəyyən edilmiş şəxslərə və müharibə veteranlarına dair məlumatların mübadiləsi mexanizminin təkmilləşdirilməsi və Azərbaycan Respublikası Prezidentinin 2019-cu il 15 aprel tarixli 634 nömrəli Fərmanı ilə təsdiq edilmiş “Azərbaycan Respublikasının Əmək və Əhalinin Sosial Müdafiəsi Nazirliyinin Mərkəzləşdirilmiş elektron informasiya sistemi haqqında Əsasnamə”də dəyişiklik edilməsi barədə fərman imzalayıb. 

27 Okt 2021
Siyasət

Qubadlıda icra olunan infrastruktur layihələri dinamik inkişafa hesablanıb - Kamaləddin Qafarov

“Bu gün işğaldan azad edilmiş bütün digər bölgələrimiz kimi, Qubadlı şəhəri və rayonun kəndləri də sürətlə bərpa edilir. 

27 Okt 2021
Siyasət

Zakir Həsənov Hulusi Akarla görüşdü

Türkiyə Respublikasının Prezidenti Rəcəb Tayyib Ərdoğanın Azərbaycan Respublikasına rəsmi səfəri çərçivəsində müdafiə naziri general-polkovnik Zakir Həsənov Zəngilan rayonunda Türkiyənin milli müdafiə naziri Hulusi Akar ilə görüşüb.