Norveçin paytaxtı Osloda keçirilən dünya çempionatına yunan-Roma güləşçilərimiz uğurlu start verib.
realpress.az xəbər verir ki, Eldəniz Əzizli ilk görüşdə Ukraynanı təmsil edən erməni əsilli rəqibindən güclü olub – 6:0. Dünya və Avropa çempionumuz daha sonra Qırğızıstan güləşçisinə şans tanımayıb (10:1) və yarımfinala yüksəlib. Onun 1/2 finaldakı rəqibi Ken Matsui (Yaponiya) olacaq.
Ülvü Qənizadə startda Almaniya güləşçisiylə qarşılaşıb. Hesabda 1:6 geriyə düşən həmyerlimiz möhtəşəm geridönüş edərək 9:6 hesabı ilə əzmkar qələbə qazanıb. Ülvü Gürcüstan pəhləvanıyla gərgin mübarizə şəraitində keçən görüşdə də sevinən tərəf olub – 4:3. Ancaq 1/4 finalda iranlı rəqibinə 0:9 uduzub.
Sənan Süleymanov ilk mərhələdə Qırğızıstan idmançısına tam üstünlüklə qalib gəlib. Gənc pəhləvanımız Tacikistandan olan həmkarına da heç bir şans tanımayıb. Hər iki rəqibinə 9:0 hesabı ilə qalib gəlmiş Süleymanov alman rəqibinə də eyni aqibəti yaşadaraq (10:2) karyerasında ilk dəfə dünya çempionatının yarımfinalına adlayıb. Onun 1/2 finaldakı rəqibi Timur Berdiyev (Belarus) olacaq.
Rafiq Hüseynov əvvəlcə Estoniya güləşçisini vaxtından əvvəl üstələyib – 9:0. Qırğızıstan idmançısı da təcrübəli güləşçimiz qarşısında tab gətirməyib (1:11). İsveçli dünya ikincisi və Avropa üçüncüsü Aleks Kessidislə görüş dramatik alınıb. Rafiq ilk hissəni 0:6 hesabıyla başa vurub. İkinci yarıda əsl əzmkarlıq nümayiş etdirən Hüseynov güclü rəqibinə minimal fərqlə qalib gələrək yarımfinala vəsiqə qazanıb – 7:6. Onun 1/2 finaldakı rəqibi Adlan Akiyev (Rusiya) olacaq.
Yarımfinal qarşılaşmaları Bakı vaxtı ilə saat 18:45-də başlayacaq.
10:32
Norveçin paytaxtı Osloda güləş üzrə dünya çempionatı davam edir.
realpress.az xəbər verir ki, altıncı yarış günündə 55, 72, 77 və 82 kq-da çıxış edən yunan-Roma güləşçiləri xalçaya çıxacaq.
Dünya və Avropa çempionumuz Eldəniz Əzizli ilk görüşündə Ukrayna ermənisi Koriun Sahradyanla qarşılaşacaq.
55 kq
1/8 final Eldəniz Əzizli – Koriun Sahradyan (Ukrayna)
72 kq
1/16 final Ülvü Qənizadə – İdris İbayev (Almaniya)
77 kq
1/16 final Sənan Süleymanov – Kayratbəy Tuqolbayev (Qırğızıstan)
82 kq
1/16 final Rafiq Hüseynov – Ranet Kalyola (Estoniya)
Azərbaycanın idman gimnastı Nikita Simonov İtaliyanın Rimini şəhərində keçirilən Dünya Kubokunda final mərhələsinə vəsiqə qazanıb.
Bu gün Azərbaycanın 7 cüdoçusu Xorvatiyanın paytaxtı Zaqrebdə start götürəcək Avropa çempionatında mübarizəyə başlayacaq.
Azərbaycan bədii gimnastları Özbəkistanın paytaxtı Daşkənddə keçiriləcək Dünya kubokunda iştirak edəcəklər.
