Könüllü təşkilatları Şuşaya səfər etdilər - FOTO

Könüllü təşkilatları Şuşaya səfər etdilər - FOTO
14 Sent 2021 17:20


Azərbaycan Respublikasının Gənclər Fondu və Azərbaycan Könüllü Təşkilatları İttifaqının (AKTİ) təşkilatçılığı ilə sentyabrın 13-də könüllülük təşkilatlarının nümayəndə heyətinin işğaldan azad olunmuş Şuşa şəhərinə səfəri təşkil olunub.

Səfərin məqsədi  Ermənistan tərəfindən işğal dövründə törədilmiş dağıntı və vandalizmin nəticələrini görmək, işğaldan azad edilmiş torpaqlarda hazırkı mövcud vəziyyətlə tanış olmaq, şəhərin tarixi-mədəni irsi ilə, eləcə də görülən abadlıq-quruculuq işləri ilə tanış olmaqdır. 

Səfər çərçivəsində 50-dən çox təşkilat nümayəndəsi Cıdır düzü, Yuxarı və Aşağı Gövhər Ağa məscidlərini, Qala divarlarını, Gəncə qapısı, Prezident İlham Əliyevin tapşırığı ilə Bakıdan Şuşaya gətirilən, Azərbaycan mədəniyyətinin tanınmış simaları Natəvan, Bülbül və Üzeyir Hacıbəylinin güllələnmiş heykəlləri, ermənilər tərəfindən 30 ilə yaxın müddət ərzində vəhşicəsinə dağıdılmış digər mədəniyyət abidələri, inzibati və yaşayış binalarını ziyarət ediblər. 

Səfər iştirakçıları 44 günlük Vətən müharibəsində müzəffər Ali Baş Komandan İlham Əliyevin rəhbərliyi ilə qazanılan tarixi qələbənin şəhid olmuş qəhrəmanlarının ruhlarını ehtiramla yad ediblər.

Ziyarətçilər səfər zamanı Prezident İlham Əliyevin yaxın günlərdə çıxışlarının birində söylədiyi “Bizim gənclər artıq müzəffər xalqın nümayəndələri kimi böyüyəcəklər” sözlərini xatırlayıb, Azərbaycanın mədəniyyət paytaxtı olan Şuşanın zəngin tarixi, mədəni irsini dünyaya çatdırmaq, quruculuq və bərpa işlərində gənclərin də yaxından iştirak edərək, bu şərəfli missiya uğrunda ölkə başçısının tapşırıqlarının uğurla həyata keçirəcəklərini bildiriblər.

Qeyd edək ki, bundan əvvəl Gənclər Fondunun təşkilatçılığı ilə könüllü təşkilatlarının Ağdama səfəri təşkil olunub.


25 Sent 2021
Cəmiyyət

Ceyhun Bayramov Ermənistan XİN rəhbəri ilə görüşdü

BMT Baş Assambleyasının 76-cı sessiyası çərçivəsində qarşı tərəfin təşəbbüsü əsasında Azərbaycan Respublikası xarici işlər naziri Ceyhun Bayramovun ATƏT-in Minsk Qrupunun həmsədrləri ABŞ-dan Endryu Şafer, Fransadan Stefan Viskonti və Rusiyadan İqor Xovayev ilə, habelə həmsədrlərin iştirakı ilə Ermənistan xarici işlər naziri Ararat Mirzoyan ilə görüşləri olub.

25 Sent 2021
Cəmiyyət

Ceyhun Bayramov BMT-də daha beş həmkarı ilə görüşüb – FOTO

Azərbaycan Respublikası xarici işlər naziri Ceyhun Bayramov BMT Baş Assambleyasının 76-cı sessiyası çərçivəsində Qoşulmama Hərəkatına (QH) üzv dövlətlərdən Qvatemala xarici işlər naziri Pedro Brolo Vila, Suriya xarici işlər naziri Faisal Mekdad, Sent-Kits və Nevis Federasiyasının xarici işlər naziri Mark Brantli, Qrenada xarici işlər naziri David Piter və Lesoto Krallığının Xarici İşlər və Beynəlxalq Əlaqələr naziri Matsepo Ramakoa ilə ikitərəfli görüşlər keçirib.

25 Sent 2021
Cəmiyyət

“Vüqar Həşimov” komandası klublararası Avropa kubokunda medal qazanıb – FOTO

Makedoniyanın Struqa şəhərində kişi şahmatçılar arasında klublararası Avropa kuboku yarışında Azərbaycan komandası bürünc medal qazanıb.

25 Sent 2021
Cəmiyyət

Hikmət Hacıyev İranın xarici işlər nazirinin müavini ilə görüşüb - FOTO

“İran İslam Respublikası xarici işlər nazirinin ikitərəfli və regional məsələlər üzrə müavini Dr. Seyid Səccadpurla müzakirələrimiz çox xoş keçdi”.

25 Sent 2021
Cəmiyyət

Ceyhun Bayramov Aİ-nin xarici və təhlükəsizlik məsələləri üzrə ali nümayəndəsi ilə görüşüb – FOTO

24 sentyabr 2021-ci il tarixində xarici işlər naziri Ceyhun Bayramov BMT Baş Assambleyasının 76-cı sessiyasında iştirakı çərçivəsində Avropa İttifaqının xarici və təhlükəsizlik məsələləri üzrə ali nümayəndəsi Cozef Borel ilə görüşüb.