Altı türk hərbi təyyarəsi çərşənbə günü 138 dəfə Yunanıstanın hava məkanının sərhədlərini pozub.
Oxu.Az RİA Novosti-yə istinadən xəbər verir ki, bu barədə Yunanıstanın Milli Müdafiə Baş Qərargahına istinadən Afina xəbər agentliyi məlumat yayıb.
Məlumata görə, sərhədi altı təyyarə pozub. İki türk təyyarəsi səhər saat 7:43 və 8:41 radələrində 126 dəfə, o cümlədən İmia və Kalolimnos adaları üzərində səkkiz dəfə milli hava məkanının sərhədlərini pozublar.
“Türk təyyarələrinin hamısı silahlı olublar və bütün hallarda yunan qırıcıları tərəfindən qarşısı alınıb”, - Baş Qərargahdan bildirilib.
Yunanıstanın müdafiə naziri Panos Kammenos çoxsaylı sərhəd pozuntuları ilə əlaqədar silahlı qüvvələrin istənilən çağırışa cavab verməyə hazır olduğunu bildirib.
Finlandiya hökuməti gələn həftə Rusiya ilə sərhəddə bir və ya bir neçə sərhəd-keçid məntəqəsini açmağı nəzərdən keçirir.
İsrail paytaxtı Təl-Əviv də daxil olmaqla ölkənin mərkəzi bölgələrində raket xəbərdarlığı səslənib.
