Hazırda dünyada keyfiyyətli və hər kəs üçün əlyetərli olan holoqrafik ekranların yaradılması sahəsində işlər aparılır. Koreyanın Elm və Qabaqcıl Texnologiyalar İnstitutunun tədqiqatçıları parametrləri istənilən mövcud analoqunun parametrlərini 2,5 min dəfədən çox üstələyən dinamik üçölçülü holoqrafik ekranının prototipini hazırlayıblar.
AZƏRTAC www.iсt.az saytına istinadla xəbər verir ki, Koreya tədqiqatçıları araşdırmalarında sadə, yüksək keyfiyyətli ekrandan, məlumat daşıyıcısı kimi isə optik dalğa cəbhəsinin yaradılması üçün xüsusi modulyatordan istifadə ediblər. Daha əvvəl holoqrafik qurğularda işığın yayılması arzuedilməz hadisə hesab olunsa da, artıq işığın “düzgün” yayılmasından istifadə etməklə daha əvvəl hazırlanmış istənilən analoji holoqramın göstəricilərini iki min beş yüz dəfə üstələyən geniş baxış bucağı əldə edilib.
Koreya alimləri hesab edirlər ki, onların tətbiqi böyük, keyfiyyətli və əlyetərli üçölçülü holoqrafik ekranların yaradılmasında ilk addım ola bilər ki, bu da həkimlərin, mühəndis və alimlərin işini əhəmiyyətli dərəcədə yüngülləşdirəcək.
Ümummilli lider Heydər Əliyevin anadan olmasının 99-cu ildönümünə həsr olunan “Sən elə bir zirvəsən” respublika ifa müsabiqəsi mayın 5-dək davam edəcək. Müsabiqə Təhsil Nazirliyinin dəstəyi, Gənclərin Respublika Bədii Yaradıcılıq Evinin təşkilatçılığı ilə nazirlik sistemində fəaliyyət göstərən peşə və orta ixtisas təhsili müəssisələrinin şagird və tələbələri arasında keçirilir.
Magistraturaya qəbul imtahanında ən yüksək nəticə toplanılması mümkün olan 100 baldan 98 olub. Qəbul imtahanındakı nəticələri müsabiqə şərtlərini ödəyən bakalavrlar ixtisaslaşma seçiminə buraxılırlar. Müsabiqə şərtləri müxtəlif ixtisas qruplarına uyğun olaraq 30, 40, 45, 50 baldır.
Bir nəfərdə mobil telefon aşkarlandığı üçün, bir nəfər isə köçürməyə cəhd etdiyi üçün imtahandan xaric olunub və nəticələri ləğv edilib. Bundan əlavə, sual kitabçasını özü ilə aparan 4 nəfərin nəticəsi araşdırılır.
