Yaponiya və Fransanın xarici işlər və müdafiə nazirlərinin “2+2” formatında keçirilən görüşündə müdafiə sahəsində qarşılıqlı əməkdaşlıqla əlaqədar danışıqların başlanması barədə razılıq əldə edilib.
NHK televiziya kanalının yaydığı məlumata görə, Yaponiyanın xarici işlər naziri Fumio Kişida və müdafiə naziri xanım Tomomi İnada yanvarın 6-da Parisdə fransalı həmkarları Jan Mark Eyro və Jan-İv Le Draian ilə görüşüblər.
Tərəflər arasında əldə edilən razılaşmaya əsasən, Yaponiya özünümüdafiə qüvvələri və Fransanın silahlı qüvvələri təbii fəlakətlər və birgə təlimlər zamanı su, yanacaq və digər vasitələrlə bir-birini təmin edəcək.
Çinin dənizdə artan fəallığını nəzərə alaraq, nazirlər birtərəfli qaydada status-kvonun dəyişdirilməsinə, bazaların tikintisi də daxil olmaqla regionda gərginliyin artırılmasına yönələn addımların qarşısını almaq barədə də razılığa gəliblər.
Nazirlər, həmçinin bəyan ediblər ki, onların ölkələri bundan sonra da beynəlxalq hüquqa əməl edilməsinə çalışacaq.
İndoneziyanın Sumatra adasındakı Marapi dağında vulkanın püskürməsi nəticəsində ölənlərin sayı 22 nəfərə çatıb.
“İsrail və HƏMAS arasında münaqişədə Türkiyə üçün prioritet atəşkəsin bərqərar olması və Qəzza zolağına humanitar yardımın fasiləsiz çatdırılmasını təmin etməkdir”.
