Yaponiya dairə məhkəməsi “Fukusima-1” AES-dəki qəzaya görə ilk dəfə qərar qəbul edib

Yaponiya dairə məhkəməsi “Fukusima-1” AES-dəki qəzaya görə ilk dəfə qərar qəbul edib
18 2017 14:52

Yaponiyanın şərqində yerləşən Maebaşi dairə məhkəməsi ilk dəfə hökuməti və TEPCO enerji şirkətini 2011-ci ildə “Fukusima-1” Atom Elektrik Stansiyasında (AES) baş vermiş qəzada təqsirli bilərək, fəlakət zonasından təxliyə edilənlərin bir qisminə 38,55 milyon yen (340 min dollar) kompensasiya ödənilməsi barədə qərar qəbul edib. Bu barədə martın 17-də Kyodo agentliyi məlumat yayıb.

Məlumatda qeyd edilir ki, Fukuşimadan təxliyə edilərək Qumma prefekturasında yerləşdirilən 137 şəxs Maebaşi dairə məhkəməsinə müraciət edərək onlara dəyən maddi və mənəvi ziyana görə 1,5 milyard yen (13,2 milyon dollar) ödənilməsini tələb edib. Aparılan məhkəmə araşdırması zamanı məlum olub ki, həmin şəxslərdən 62-sinə müxtəlif məbləğdə kompensasiya ödənilib.

Bildirilir ki, ümumilikdə bütün ölkə üzrə Fukuşimadan təxliyə edilmiş sakinlər tərəfindən məhkəmələrə 30 kollektiv iddia daxil olub.

Hökumət və “Fukusima-1” AES-in operatoru olan şirkət qəzaya səbəb olmuş sunami dalğalarının seysmik gücünü düzgün qiymətləndirməməkdə təqsirləndirilirlər. TEPCO şirkəti öz növbəsində bəyan edir ki, hazırda mövcud elmi üsullarla sunami dalğalarının hündürlüyünü qabaqcadan təyin etmək mümkün deyil.

Xatırladaq ki, 2011-ci ilin martında baş vermiş 9 bal gücündə zəlzələ nəticəsində Yaponiyanın şimal-şərq sahillərində 15 metr hündürlüyündə sunami dalğaları yaranmışdı. “Fukusima-1” AES-in altı enerji blokundan dördü sunami dalğalarının altında qalmış və bu, reaktorların soyuducu sistemlərinin sıradan çıxmasına, nüvə yanacağının əriməsinə və silsilə hidrogen partlayışlarına səbəb olmuşdu. Yaranan vəziyyətə hazırlıq lazımi səviyyədə olmadığına görə, həm stansiyada, həm də insanların təxliyəsində ciddi səhvlərə yol verilmişdi. Hələ də stansiyanın yaxınlığındakı məntəqələrin sakinlərinə evlərinə dönməyə icazə verilmir. Qəzanın nəticələrinin tam aradan qaldırılması üçün isə 40 il vaxt lazım olduğu bildirilir.


12 İyul 2024
Dünya

Portuqaliya və Avstraliya Ukraynaya böyük məbləğlərdə yardım göstərəcək

Portuqaliya və Avstraliya Ukraynaya böyük məbləğdə yardım göstərəcək.

12 İyul 2024
Dünya

Avro və rubl bahalaşdı, lirə ucuzlaşdı

Azərbaycan Mərkəzi Bankının bu günə olan rəsmi valyuta məzənnələri açıqlanıb.

12 İyul 2024
Dünya

Nepalda 2 avtobus çaya aşdı - 66 nəfər itkin düşdü

Nepalda torpaq sürüşməsi səbəbindən 2 avtobusun aşaraq çaya düşməsi nəticəsində azı 66 nəfər itkin düşüb.

12 İyul 2024
Dünya

Ərdoğan Vaşinqtonda Makronla görüşüb

Türkiyə Prezidenti Rəcəb Tayyib Ərdoğanla fransalı həmkarı Emmanuel Makron arasında görüş baş tutub.

12 İyul 2024
Dünya

Kanada sahillərində güclü zəlzələ baş verib

Kanadanın Britaniya Kolumbiyası əyalətinin sahillərində 6,5 bal gücündə zəlzələ baş verib.