XİN: Polşa Azərbaycan üçün vacib və etibarlı tərəfdaşdır

XİN: Polşa Azərbaycan üçün vacib və etibarlı tərəfdaşdır
09 Dek 2016 12:33

Xarici işlər naziri Elmar Məmmədyarov ATƏT Nazirlər Şurasının 23-cü iclası çərçivəsində Polşanın xarici işlər naziri Vitold Vaşçikovski ilə görüşüb.

XİN-dən Trend-ə verilən məlumata görə, görüşdə Azərbaycan və Polşa arasında ikitərəfli münasibətlərin hazırkı durumundan məmnunluq ifadə olunub, xüsusilə iqtisadi-ticarət sahəsində əməkdaşlığın genişləndirilməsi yollarına dair fikir mübadiləsi aparılıb. Yüksək səviyyəli qarşılıqlı səfərlərin əməkdaşlığın inkişafına töhfə verdiyi qeyd olunub.

Nazir E.Məmmədyarov Polşanı Azərbaycan üçün vacib və etibarlı tərəfdaş adlandırıb və ölkəmizin ikitərəfli əlaqələrin genişləndirilməsində maraqlı olduğunu vurğulayıb.

Nazir Azərbaycanın təşəbbüsü və iştirakı ilə həyata keçirilən nəqliyyat layihələri, xüsusən Şərq-Qərb və Şimal-Cənub dəhlizlərinin iqtisadi faydalılığı və gələcək perspektivlərindən söz açdı və Polşanın da bu marşrutların imkanlarından faydalana biləcəyini diqqətə çatdırıb. Görüşdə beynəlxalq təşkilatlar çərçivəsində əməkdaşlıq məsələləri də müzakirə olunub.

Azərbaycan ilə strateji tərəfdaşlığa dair sazişin hazırlanması üçün Avropa İttifaqı (Aİ) Şurası tərəfindən verilən mandatın təqdir edildiyini deyən E.Məmmədyarov, sözügedən sazişin imzalanmasının Azərbaycan və Aİ arasında hərtərəfli tərəfdaşlığın inkişafı üçün mühüm zəmin yaradacağına əminlik ifadə edib. Nazir V.Vaşçikovski Polşanın ikitərəfli və çoxtərəfli əsasda Azərbaycan ilə hərtərəfli əməkdaşlığı daha da inkişaf etdirmək niyyətində olduğunu diqqətə çatdırıb. Görüş əsnasında E.Məmmədyarov Ermənistan-Azərbaycan Dağlıq Qarabağ münaqişəsinin həlli üzrə danışıqlar prosesi haqqında həmsöhbətə məlumat verib.

22 Apr 2021
Siyasət

Azərbaycanda iqtisadi fəallıq bərpa olunur: Nazir açıqladı - FOTO

“Qeyri-neft sektorundan daxilolmaların artması iqtisadi fəallığın bərpasının başladığını göstərir”.

22 Apr 2021
Siyasət

İlham Əliyev və Mehriban Əliyeva təməlqoyma mərasimində - YENİLƏNİB + FOTO/VİDEO

Aprelin 22-də Abşeron rayonunun Qobustan kəndinin ərazisində Palçıq Vulkanları Turizm Kompleksinin təməli qoyulub.

22 Apr 2021
Siyasət

İlham Əliyev və Mehriban Əliyeva təməlqoyma mərasimində

Aprelin 22-də Abşeron rayonunun Qobustan kəndinin ərazisində Palçıq Vulkanları Turizm Kompleksinin təməli qoyulub.

22 Apr 2021
Siyasət

Azərbaycanda heç bir xalq milli mənsubiyyətinə görə təhdid və ya təqib olunmur - Kamaləddin Qafarov

Bu gün Ermənistan Azərbaycana qarşı yeni təbliğat-informasiya müharibəsi aparmağa cəhd edir. Bu məqsədlə ermənilər və onların havadarları bir çox xarici ölkələrin qanunverici orqanlarında, habelə Avropa Parlamentində, ATƏT-in Parlament Assambleyasında, AŞPA-da ölkəmizə qarşı böhtan kampaniyaları təşkil edirlər. Halbuki bu beynəlxalq qurumlar hal-hazırda erməni millətçi-faşistlərinin ən azından son otuz ildə azərbaycanlılara qarşı törətdikləri qətliamlara və digər vəhşiliklərə görə, eləcə də Ermənistanın 44 günlük Vətən müharibəsi dövründə törətdiyi ağır hərbi cinayətlərə görə ən qısa zamanda beynəlxalq məhkəmə qarşısında cavab verməsini təmin etmək üçün müvafiq tədbirlər görməlidirlər.