Berlin “Müxtəlif sürətli Avropa”nı dəstəkləyir, bu proqram çərçivəsində müxtəlif ölkələrə fərqli inkişaf və inteqrasiya tempinə riayət etmək imkanı veriləcək.
Oxu.Az dw.com-a istinadən xəbər verir ki, bu barədə martın 6-da Almaniyanın kansleri Angela Merkel Versalda Fransa prenzidenti Fransua Olland, İspaniya hökumətinin nümayəndəsi Mariano Rahoy Brey və İtaliyanın baş naziri Paolo Centlioni ilə görüşün nəticələrində bəyan edib.
“Bizə hamının müştərək çətinliklərin öhdəsindən gəlməyə hazır olmadığı bir şəraitdə bir sıra ölkələrin irəliləməsi üçün cürət lazımdır”, - Almaniyanın kansleri vurğulayıb.
“Müxtəlif sürətli Avropa lazımdır, yoxsa dinamika ləngiyəcək”, - o, əminliklə söyləyib.
Bu qəbildən yanaşmanın mümkün olduğu sahələr sırasında Olland müdafiə və vergi siyasətini göstərib.
“Birlik eynilik demək deyil”, - o vurğulayıb. Rahoy Brey və Centlioni də bu siyasəti dəstəkləyiblər.
Daha öncə Avropa Komissiyasının rəhbəri Jan-Klod Yunker Avropa İttifaqının inkişafına dair beş ssenari təklif edib. Onlardan biri “kim daha çoxuna nail olmaq istəyirsə, o daha çox şey edir” prinsipi ilə işləyən “Müxtəlif sürətli Avropanı” nəzərdə tutur. İnteqrasiya prosesləri Aİ daxilində bir qrup ölkələrdə gedəcək, bu proseslərdə iştirak etmək istəməyən ölkələr isə müstəqil hərəkət edəcək.
Azərbaycan Mərkəzi Bankının bu günə olan rəsmi valyuta məzənnələri açıqlanıb.
Oktyabrın 1-də Türkiyənin Daxili İşlər Nazirliyinə qarşı təşkil edilmiş və polis əməkdaşlarının dərhal həyata keçirdikləri tədbirlər nəticəsində qarşısı alınmış terroru törədən iki şəxsin kimliyi təsbit edilib.
