Vaşinqtonda 20 Yanvar faciəsi yad edilib

Vaşinqtonda 20 Yanvar faciəsi yad edilib
24 2017 10:49

Yanvarın 23-də Azərbaycanın ABŞ-dakı Səfirliyində 20 Yanvar faciəsinin 27-ci ildönümü ilə əlaqədar anım mərasimi keçirilib. Mərasimə Vaşinqtondakı diplomatik korpusun nümayəndələri, ABŞ-da yaşayan Azərbaycan icması və yerli ictimaiyyətin nümayəndələri qatılıblar.

Səfirlikdən Trend-ə verilən məlumata görə, Azərbaycanın ABŞ-dakı səfiri Elin Süleymanov çıxış edərək 1990-cı ilin yanvar günlərində Bakı və ölkəmizin müxtəlif bölgələrində Azərbaycanın azadlıq və müstəqilliyi naminə aparılan mübarizə və Sovet hakimiyyətinin xalqımızın haqlı tələblərinə verdiyi qanlı cavab haqqında məlumat verib. O, Sovet imperiyasının süqutunu sürətləndirən Qara Yanvar faciəsinin milli, mənəvi dirçəlişimiz baxımından əhəmiyyətini vurğuladı.

E.Süleymanov bu faciənin baş verdiyi günləri yada salaraq həmin vaxtın özünün Moskvada tələbəçilik illərinə təsadüf etdiyini bildirmiş və bu qanlı faciəyə dair həqiqətlərin beynəlxalq ictimaiyyətin diqqətinə çatdırılması məqsədilə soydaşlarımızın səfərbər olunması istiqamətində görülmüş işləri xatırlatdı. Bu xüsusda o, Ümummilli Lider Heydər Əliyevin Vətənimiz üçün taleyüklü günlərdə göstərdiyi sarsılmaz iradə və əzmkarlıqdan bəhs etmiş, onun Moskvada mətbuat konfransı keçirərək Azərbaycan xalqına və dünya ölkələrinə səsləndirdiyi müraciətinin soydaşlarımıza verdiyi mənəvi dəstəyi və bunun Azərbaycanın müstəqilliyinə aparan hadisə olduğunu qeyd edib.

Daha sonra Azərbaycan diasporunun fəal üzvü Həbib Azərsina 20 Yanvar faciəsinin dünyadakı bütün Azərbaycanlıları ayağa qaldırdığını, o cümlədən ABŞ-dakı Azərbaycanın diaspor nümayəndələrinin keçmiş SSRİ-nin səfirliyi qarşısında etiraz aksiyası keçirdiklərini xatırlatmış və bunu milli oyanışın və həmrəyliyin mühüm amili kimi qeyd edib.

Yekunda mərasimdə 20 Yanvar şəhidlərimizin əziz xatirəsi bir dəqiqəlik sükutla yad edilmiş və onların ruhuna ehsan verilib.


26 Sent 2022
Siyasət

Prezident: “Azərbaycanla Rusiya arasında münasibətlər çox müsbət dinamikaya malikdir”

“Azərbaycanla Rusiya arasında münasibətlər çox müsbət dinamikaya malikdir”.

26 Sent 2022
Siyasət

Rusiya Dövlət Dumasının sədri Fəxri və Şəhidlər xiyabanlarını ziyarət edib

Rusiya Federasiyası Federal Məclisinin Dövlət Dumasının sədri Vyaçeslav Volodinin rəhbərlik etdiyi nümayəndə heyəti Fəxri xiyabana gələrək, ümummilli lider Heydər Əliyevin xatirəsini dərin ehtiramla yad edib.

26 Sent 2022
Siyasət

İlham Əliyev: “Regionun 30 il ərzində olduğu ağır vəziyyətdən çıxmasının tərəfdarıyıq”

“Biz dəfələrlə bildirmişik ki, uzunmüddətli və davamlı sülhün, qonşularımızla bağlı bütün problemlərin həllinin və bu regionun 30 il ərzində olduğu ağır vəziyyətdən çıxmasının tərəfdarıyıq”.

26 Sent 2022
Siyasət

Prezident İlham Əliyev Rusiya Dövlət Dumasının Sədrini qəbul edib - YENİLƏNİB

Azərbaycan Respublikasının Prezidenti İlham Əliyev sentyabrın 26-da Rusiya Federasiyası Federal Məclisinin Dövlət Dumasının Sədri Vyaçeslav Volodinin başçılıq etdiyi nümayəndə heyətini qəbul edib.

26 Sent 2022
Siyasət

Bakı-Ələt-Qazax-Gürcüstan avtomobil yolunun genişləndirilməsi layihəsinin icrasına baxış keçirilib

Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov Bakı-Ələt-Qazax-Gürcüstan Respublikası ilə dövlət sərhədi avtomobil yolunun 130 km-lik Gəncə-Qazax-Gürcüstan sərhədi hissəsinin 4 hərəkət zolağına genişləndirilməsi layihəsinin icrasına baxış keçirib.