Dekabrın 13-də Azərbaycan Dövlət Neft və Sənaye Universitetində (ADNSU) Azərbaycan Respublikasının dövlət müstəqilliyinin bərpasının 25 illiyinə həsr olunmuş Tələbələrin 65-ci Elmi-Texniki Konfransı başa çatıb.
ADNSU-dan AZƏRTAC-a bildiriblər ki, bağlanış mərasimində universitetin rektoru, professor Mustafa Babanlı cəmiyyətin inkişafında elmin, təhsilin rolundan danışıb. Bildirilib ki, konfransın keçirilməsinin məqsədi tələbələrin elmə marağının artırılması olub.
Tələbə Elmi Cəmiyyətinin sədri, dosent Yunis Qəhrəmanlı konfransın uğurla keçdiyini, ümumilikdə nəzərdə tutulmuş 240 mövzudan 195-nin dinlənildiyini diqqətə çatdırıb. Səkkiz nəfərin birinci, 16 nəfərin ikinci, 22 nəfərin üçüncü yeri tutduğu, yeddi nəfərin həvəsləndirici mükafata layiq görüldüyü bildirilib.
“Xəzər Mühəndisləri İctimai Birliyi”nin icraçı direktoru Həsən Abbasov son bir ildə ADNSU-da bir çox layihələrin həyata keçirildiyini qeyd edib.
Digər çıxış edənlər qalibləri təbrik edib, uğurlar arzulayıblar.
Qaliblər mükafatlandırılıblar.
Bu gün Azərbaycan Dövlət Su Ehtiyatları Agentliyinin sədri Zaur Mikayılov Zaqatala Suvarma Sistemləri İdarəsinin inzibati binasında Zaqatal, Balakənvə digər rayonlardan olan vətəndaşları qəbul edib, onların müraciətlərini dinləyib, ərizə və şikayətlərinə baxıb.
Azərbaycan Respublikasının xarici işlər naziri Ceyhun Bayramov Fələstin Dövlətinin Baş naziri, eləcə də xarici işlər və xaricdə yaşayan fələstinlilər üzrə naziri Məhəmməd Mustafa ilə telefon danışığı aparıb.
Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Mülayim şimal-qərb küləyi əsəcək.
Müdafiə naziri general-polkovnik Zakir Həsənovun təsdiq etdiyi cari ilin hazırlıq planına əsasən, Hərbi Dəniz Qüvvələrinin (HDQ) Hərbi Hava Qüvvələri (HHQ) ilə birgə “Xəzər səması-2024” hava hücumundan müdafiənin təşkili mövzusunda taktiki təlimi keçirilib.
