Dekabrın 9-da Fövqəladə Hallar Nazirliyinin (FHN) Akademiyasında ümummilli lider Heydər Əliyevin əziz xatirəsi dərin ehtiramla anılıb.
FHN-dən AZƏRTAC-a bildiriblər ki, Akademiyada fəaliyyət göstərən “Heydər Əliyev Məktəbinin lektoriyası”nın növbəti məşğələsi də ulu öndər Heydər Əliyevin zəngin irsinin gənc nəslə çatdırılması məqsədilə təşkil edilib. Lektoriyanın qonağı Milli Məclisin aqrar siyasət komitəsinin sədri Eldar İbrahimov olub.
Əvvəlcə Ulu Öndərin xatirəsi ehtiramla yad edilib, abidəsi önünə gül dəstələri qoyulub.
Sonra tədbir Ümummilli Liderin xatirəsinin bir dəqiqəlik sükutla yad edilməsi ilə başlayıb.
Akademiyanın rəisi, general-mayor Pənah Süleymanov dahi şəxsiyyətin zəngin həyat yolu və ictimai-siyasi fəaliyyəti haqqında ətraflı məlumat verib. Qeyd edib ki, ulu öndər Heydər Əliyev çoxşaxəli siyasi fəaliyyəti ilə Azərbaycan dövlətçiliyinin tarixində müstəsna rol oynayıb. Azərbaycan xalqı Ulu Öndərin adını hər zaman əziz tutur, dövlətimizin xilaskarı, qurucusu və memarı kimi tanıyır. Ümummilli lider Heydər Əliyev öz xidmətləri ilə sağlığında ikən tarixin yaddaşında əbədiləşmiş böyük şəxsiyyətdir. Azərbaycan xalqı xoşbəxtdir ki, Ulu Öndərin əsasını qoyduğu mütərəqqi siyasi kurs bu gün Ali Baş Komandan, Prezident İlham Əliyev tərəfindən böyük məharətlə davam və inkişaf etdirilir.
Tədbirdə çıxış edən Eldar İbrahimov ümummilli lider Heydər Əliyevin həyat və fəaliyyətindən bəhs edərək dahi rəhbərin ömrünün və titanik fəaliyyətinin indiki və gələcək nəsillərə nümunə olduğunu bildirib. Diqqətə çatdırıb ki, Azərbaycanın müstəqilliyinin qorunub saxlanılması və əbədiyyətə çevrilməsi, milli dövlətçiliyimizin inkişafı, ölkəmizin beynəlxalq əlaqələrinin möhkəmləndirilməsi, dünya azərbaycanlılarının vəhdətinin yaradılması məhz müdrik şəxsiyyət Heydər Əliyevin xalq və Vətən qarşısında ən böyük xidmətlərindəndir. Ulu Öndərin əsasını qoyduğu strateji inkişaf xətti bu gün Prezident İlham Əliyev tərəfindən uğurla davam etdirilir.
Tədbirin sonunda ümummilli lider Heydər Əliyevin həyat və fəaliyyətinə həsr olunmuş film nümayiş olunub.
Bu gün Azərbaycan Dövlət Su Ehtiyatları Agentliyinin sədri Zaur Mikayılov Zaqatala Suvarma Sistemləri İdarəsinin inzibati binasında Zaqatal, Balakənvə digər rayonlardan olan vətəndaşları qəbul edib, onların müraciətlərini dinləyib, ərizə və şikayətlərinə baxıb.
Azərbaycan Respublikasının xarici işlər naziri Ceyhun Bayramov Fələstin Dövlətinin Baş naziri, eləcə də xarici işlər və xaricdə yaşayan fələstinlilər üzrə naziri Məhəmməd Mustafa ilə telefon danışığı aparıb.
Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Mülayim şimal-qərb küləyi əsəcək.
Müdafiə naziri general-polkovnik Zakir Həsənovun təsdiq etdiyi cari ilin hazırlıq planına əsasən, Hərbi Dəniz Qüvvələrinin (HDQ) Hərbi Hava Qüvvələri (HHQ) ilə birgə “Xəzər səması-2024” hava hücumundan müdafiənin təşkili mövzusunda taktiki təlimi keçirilib.
