Parisdə UNESCO-nun baş qərargahında Azərbaycanın bu qurumdakı daimi nümayəndəliyinin və Bakı Beynəlxalq Multikulturalizm Mərkəzinin birgə təşkilatçılığı ilə “Müasir cəmiyyətlərdə multikulturalizmin rolu: uğurlu Azərbaycan modeli” sərlövhəli konfrans keçirilib.
Azərbaycanın UNESCO-dakı daimi nümayəndəliyinin rəhbəri Anar Kərimov Prezident İlham Əliyevin imzaladığı Sərəncama əsasən, 2016-cı ilin ölkəmizdə “Multikulturalizm ili” elan edildiyini diqqətə çatdırıb. O, bunun Azərbaycanın multikulturalizmə, mədəniyyətlərarası dialoqa verdiyi önəmin təzahürü olduğunu bildirib. Müstəqilliyin ilk illərində Azərbaycanın üzləşdiyi çətinliklərdən söz açan A.Kərimov Ermənistanın torpaqlarımızı işğal etdiyini, azərbaycanlılara qarşı etnik təmizləmə siyasəti apardığını, bir milyon soydaşımızın doğma yurdundan didərgin salındığını söyləyib. Bildirib ki, bütün bunlara baxmayaraq, Azərbaycanın dialoqa, sülh danışıqlarına üstünlük verir. Tolerantlıq, multikulturalizm məkanı olan Azərbaycan “mədəniyyətlərin yaxınlaşmasında” fəal rol oynayır.
A.Kərimov iştirakçılara Bakının ev sahibliyi etdiyi Ümumdünya Mədəniyyətlərarası Dialoq Forumu, “Bakı prosesi” haqqında məlumat verib. O, multikulturalizmin ölkəmizin dövlət siyasəti olduğunu deyərək konfransın multikulturalizmin Azərbaycan modelinə həsr edildiyini vurğulayıb. Bildirib ki, Azərbaycan multikulturalizm təcrübəsini digər ölkələrlə bölüşməyə hazırdır.
UNESCO-nun sosial və humanitar elmlər şöbəsinin rəhbəri Ann-Belinda Preis bu təşkilatın mədəniyyətlərarası dialoq üzrə ixtisaslaşmış proqramı, bu istiqamətdə həyata keçirilən fəaliyyətlər barədə danışıb.
“İsrail-Azərbaycan” (Azİz) Beynəlxalq Assosiasiyasının idarə heyətinin üzvü Arye Qut ölkəmizin tarixi, mədəniyyəti haqqında məlumat verib. O, Azərbaycanda müxtəlif dinlərin, mədəniyyətlərin, millətlərin, etnik qrupların nümayəndələrinin sülh və əmin-amanlıq şəraitində bir ailə kimi yaşadıqlarını vurğulayıb.
Bakı Beynəlxalq Multikulturalizm Mərkəzinin (BBMM) müşaviri Aytən Qəhrəman multikulturalizmin Azərbaycanda dövlət siyasəti olduğunu və BBMM-in yaradılmasının Prezident İlham Əliyevin bu siyasətə verdiyi önəmin göstəricisi olduğunu bildirib. O, Mərkəzin yarandığı gündən gördüyü işlər haqqında konfrans iştirakçılarına ətraflı məlumat verib.
Türkiyə Xarici İşlər naziri Mövlud Çavuşoğlu Azərbaycanın Mədəniyyət naziri Anar Kərimov ilə görüşüb.
Sovet və Rusiya aktyoru Andrey Myaqkov 82 yaşında vəfat edib.
Mədəniyyət Nazirliyi Zəfər muzeyi ilə bağlı ictimaiyyətə müraciət edib.
Azərbaycan Respublikasının Mədəniyyət Nazirliyi “Xristian irsimizi tanıyaq” layihəsi çərçivəsində Müqəddəs Jen-Mironosits pravoslav kilsəsi barədə hazırlanan videoçarxı təqdim edib.
Azərbaycan ordusunun Kəlbəcər şəhərinə daxil olmasına sayılı günlər qalıb. Bu ərəfədə mənfur düşmən məkrli əməllərindən əl çəkməyərək, Kəlbəcər rayonu ərazisindəki tarixi abidələrin guya onlara məxsus olması barədə yalanlar yaymaqda davam edir.
