NATO-nun bütün üzvləri terrorizmlə mübarizədə daha çox güc sərf etməlidirlər.
Axar.az xəbər verir ki, bunu İŞİD-lə mübarizə üzrə koalisiyaya üzv ölkələrin xarici işlər nazirləri ilə görüşü zamanı ABŞ dövlət katibi Reks Tillerson söyləyib.
“Hazırda koalisiyanın ümumi mübarizəsinin 75%-i ABŞ-a aiddir. Bu, digər ölkələrin terrorizmlə mübarizədə güc sərf etmədikləri demək deyil. Mən sadəcə daha çox güc sərf etmək lazım olduğunu söyləyirəm. İŞİD-in artıq internetdə təbliğatı 75% azalıb. Biz Tvitterdə İŞİD-ə məxsus 475 min hesabı bağlaya bilmişik”, – dövlət katibi bildirib.
Finlandiya hökuməti gələn həftə Rusiya ilə sərhəddə bir və ya bir neçə sərhəd-keçid məntəqəsini açmağı nəzərdən keçirir.
İsrail paytaxtı Təl-Əviv də daxil olmaqla ölkənin mərkəzi bölgələrində raket xəbərdarlığı səslənib.
